آسٹریلیا میں ہونے والے ٹی ٹوئنٹی ورلڈ کپ 2022 کے دوران انجری کے باعث پاکستانی ٹیم کو کئی مسائل کا سامنا کرنا پڑا۔
فخر زمان اور شاہین شاہ آفریدی جیسے کھلاڑیوں کو ٹی ٹوئنٹی ورلڈ کپ سے قبل طبی طور پر کلیئر نہیں کیا گیا تھا جب کہ وہ میگا ایونٹ میں شرکت کے لیے بحالی کے عمل میں تھے۔
فخر زمان نے ٹی ٹوئنٹی ورلڈ کپ میں نیدر لینڈز کے خلاف صرف ایک میچ کھیلا اور وہ اپنی فارم کے ساتھ مشکلات کا شکار نظر آئے جس کے بعد انہیں بقیہ میچز کے لیے کلیئر نہیں کیا گیا۔
یہاں سوال یہ پیدا ہوتا ہے کہ کیا پی سی بی کا میڈیکل پینل کھلاڑیوں کی متعلقہ انجری سے آگاہ ہے، پہلے تو انہیں فٹ قرار دے دیا جاتا ہے اور پھر انہیں پورے ٹورنامنٹ کے لیے ان فٹ قرار دے دیا جاتا ہے۔
قومی ٹیم کے سابق فاسٹ بولر عاقب جاوید کا اس حوالے سے سوالات اٹھاتے ہوئے کہنا تھا کہ کیا میڈیکل پینل کو کھیلوں سے متعلق انجری کے بارے میں کوئی آئیڈیا ہے؟
عاقب جاوید کہتے ہیں کہ ’پی سی بی کے میڈیکل پینل نے فخر زمان کو فٹ قرار دیا لیکن وہ چند اوورز کے بعد ہی ان فٹ ہوگئے‘۔
انہوں نے مزید کہا کہ شاہین شاہ آفریدی کو اس وقت کھلایا گیا جب وہ ورلڈ کپ کے لیے مکمل فٹ نہیں تھے، ہمیں یہ جاننے کی ضرورت ہے کہ آیا وہ کھیلوں کی انجری کے بارے میں کچھ جانتے بھی ہیں۔
یہ بھی پڑھیں: انگلینڈ سے شکست، عاقب جاوید کی ٹیم پر کڑی تنقید
واضح رہے کہ شاہین شاہ آفریدی سپر 12 مرحلے کے افتتاحی میچ میں بھارت کے خلاف میچ میں اپنی انجری سے لڑتے ہوئے نظر آئے تھے۔
انگلینڈ کے خلاف ٹی ٹوئنٹی ورلڈ کپ کے فائنل میں شاہین آفریدی ہیری بروک کا کیچ لیتے ہوئے ایک اور گھٹنے کی انجری کا شکار ہوگئے جس کے بعد انہیں انگلینڈ کے خلاف ہوم ٹیسٹ سیریز سے باہر کردیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News