ٹی ٹوئنٹی ورلڈ کپ کے سیمی فائنل کے لیے ٹیمیں فائنل ہوگئی ہیں جن کے درمیان میچز 9 نومبر سے شروع ہوں گے۔

آئی سی سی ٹی ٹوئنٹی ورلڈ کپ کے سپر 12 مرحلے کے میچز اختتام پذیر ہوگئے ہیں جس کے بعد اب سمی فائنل کے میچز ہوں گے جس کے لیے ٹیمیں لائن اپ ہوگئی ہیں۔

گروپ 1 سے نیوزی لینڈ اور انگلینڈ کی ٹیمیں سمی فائنل میں پہنچی ہیں جب کہ گروپ 2 سے پاکستان اور بھارت نے سیمی فائنل میں جگہ بنائی ہے۔

پہلا سیمی فائنل پاکستان اور نیوزی لینڈ کی ٹیموں کے درمیان 9 نومبر بروز بدھ کو سڈنی میں کھیلا جائے گا۔

𝐂𝐨𝐧𝐟𝐢𝐫𝐦𝐞𝐝
Pakistan 🆚 New Zealand
Semi-final at the SCG! 🏏#WeHaveWeWill | #T20WorldCup pic.twitter.com/8Xqs6Qwvaf

Advertisement

— Pakistan Cricket (@TheRealPCB) November 6, 2022

دوسرا سیمی فائنل بھارت اور انگلینڈ کی ٹیموں کے درمیان ہوگا جو 10 نومبر بروز جمعرات کو ایڈیلیڈ میں ہوگا۔

واضح رہے کہ آج ٹی ٹوئنٹی ورلڈ کپ کے اہم میچز میں نیدر لینڈز نے جنوبی افریقہ کو شکست دے کر ٹی ٹوئنٹی ورلڈ کپ سے باہر کیا جس کے بعد پاکستان کے سیمی فائنل میں پہنچنے کے امکانات میں اضافہ ہوا۔

بعد ازاں پاکستان بنگلادیش کو 5 وکٹوں سے شکست دے کر سیمی فائنل میں پہنچا جب کہ گروپ 2 سے بھارت پہلے ہی سیمی فائنل میں کوالیفائی کرچکا تھا۔