پہلے ٹی ٹوئنٹی میچ میں آئرلینڈ ویمنز ٹیم نے پاکستان ویمنز ٹیم کو 6 وکٹوں سے شکست دے دی ہے۔

پاکستان اور آئرلینڈ کی ویمنز ٹیموں کے درمیان لاہور کے قذافی اسٹیڈیم میں ٹی ٹوئنٹی سیریز کا پہلا میچ کھیلا گیا جس میں قومی ویمنز ٹیم کو شکست کا سامنا کرنا پڑا۔

اس میچ میں پاکستان ویمنز ٹیم نے ٹاس جیت کر پہلے بیٹنگ کرنے کا فیصلہ کیا اور 5 وکٹوں کے نقصان پر 135 رنز اسکور کیے۔

پاکستان کی جانب سے ندا ڈار نے نصف سنچری کی بدولت 61 رنز کی شاندار اننگز کھیلی جب کہ عالیہ ریاض 24 رنز بناکر ناٹ آؤٹ رہی اور کپتان بسمہ معروف 17 رنز بناکر آؤٹ ہوئی۔

آئرلینڈ کی جانب سے اورلا پرینڈر گاسٹ نے 3 کھلاڑیوں کو آٹ کیا جب کہ آرلین کیلی اور لورا ڈیلینی نے 1،1 وکٹ حاصل کی۔

جواب میں آئرلینڈ نے 18.4 اوورز میں 6 وکٹوں کے نقصان پر مقررہ ہدف پورا کرلیا اور کامیابی اپنے نام کی۔ گیبی لیوس نے 69 رنز کی ناقابل شکست اننگز کھیلی اور اورلا پرینڈر گاسٹ 39 رنز بناکر آؤٹ ہوئیں۔

واضح رہے کہ دونوں ٹیموں کے درمیان 3 ٹی ٹوئنٹی میچز پر مشتمل سیریز کھیلی جارہی ہے جس کا دوسرا میچ 14 نومبر جب کہ تیسرا اور آخری میچ 16 نومبر کو کھیلا جائے گا۔