پاکستان اور نیوزی لینڈ کے درمیان ملتان ٹیسٹ کراچی منتقل کرکے ٹیسٹ اور ون ڈے سیریز کے شیڈول میں تبدیلی کرلی گئی۔

تفصیلات کے مطابق  پاکستان کرکٹ بورڈ (پی سی بی) اور نیوزی لینڈ کرکٹ نے موسم کی خرابی کی وجہ سے ملتان میں ہونے والا دوسرا ٹیسٹ کراچی منتقل کرنے پر باہمی اتفاق کیا ہے۔

Update to Pakistan v New Zealand series schedule

Details here ➡️ https://t.co/elCetUQgQA#PAKvNZ

Advertisement

— PCB Media (@TheRealPCBMedia) December 24, 2022

پی سی بی حکام کا کہنا ہے کہ ملتان میں دھند اور موسم کی صورتحال کے باعث دوسرا ٹیسٹ کراچی شفٹ کیا گیا ہے ۔

دونوں بورڈز کے درمیان اس بات پر بھی اتفاق کیا گیا ہے کہ دوسرے ٹیسٹ کو اب مقررہ تاریخ سے ایک دن پہلے یعنی 2 جنوری 2023 کو شروع کیا جائے گا۔

مزید پڑھیں: نیوزی لینڈ کے ہیڈ کوچ نے پاکستان سے سیریز کو چیلنجنگ قرار دے دیا

پہلا ٹیسٹ میچ  شیڈول کے مطابق 26 دسمبر سے 30 دسمبر تک کھیلا جائے گا جبکہ دوسرا ٹیسٹ میچ 2 جنوری سے 6 جنوری تک کھیلا جائے گا۔

دونوں ٹیموں کے درمیان ون ڈے سیریز کے شیڈول میں بھی تبدیلی کی گئی ہے۔

نئے شیڈول کے مطابق پہلا ون ڈے میچ 9 جنوری، دوسرا ون ڈے  میچ 11  جنوری جبکہ تیسرا  ون ڈے میچ 13 جنوری کو کھیلا جائے گا۔

مزید پڑھیں: نیوزی لینڈ کرکٹ ٹیم 32 سال بعد کراچی میں ٹیسٹ میچ کھیلے گی

تین میچز پر مشتمل ون ڈے سیریز آئی سی سی مینز کرکٹ ورلڈ کپ سپر لیگ کا حصہ ہے۔

واضح رہے کہ نیوزی لینڈ کرکٹ ٹیم  پاکستان کے خلاف 32 سال بعد کراچی میں ٹیسٹ میچ کھیلے گی۔

آخری مرتبہ پاکستان اور نیوزی لینڈ کا کراچی میں ٹیسٹ میچ اکتوبر 1990 میں ہوا تھا جس میں جاوید میانداد کی کپتانی میں پاکستان  نے  ایک اننگ اور 43 رنز سے فتح حاصل کی تھی۔