کرسٹیانو رونالڈو کی فرل فرینڈ جارجینا روڈریگوز نے کوارٹر فائنل میں رونالڈو کو بینچ پر بٹھانے پر کوچ کو تنقید کا نشانہ بنایا۔

تفصیلات کے مطابق کرسٹیانو رونالڈو کی گرل فرینڈ جارجینا روڈریگوز نے مراکش کے خلاف کوارٹر فائنل میچ میں ٹیم کے کپتان کو بینچ دینے کے فیصلے پر پرتگال کے کوچ فرنینڈو سینٹوس کو تنقید کا نشانہ بنایا ہے۔

فیفا ورلڈ کپ 2022 کا اختتام کرسٹیانو رونالڈو کے لیے افسوسناک شکست پر ہوا جب کوارٹر فائنل میں پرتگال کو مراکش کے ہاتھوں 0-1 سے شکست کا سامنا کرنا پڑا۔

اس شکست کے بعد کہا جا رہا ہے کہ رونالڈو کا بین الاقوامی فٹ بال میں کیریئر ختم ہو گیا لیکن جس چیز نے ان کے مداحوں کو سب سے زیادہ تکلیف دی وہ یہ ہے کہ پرتگال کے کپتان نے ورلڈ کپ کے آخری دو میچوں میں ٹیم کے لیے آغاز ہی نہیں کیا۔

کرسٹیانو رونالڈو کی گرل فرینڈ جارجینا روڈریگیز نے بھی اس فیصلے پر ٹیم کے ہیڈ کوچ فرنینڈو سانتوس پر تنقید کی ہے۔

جارجینا نے سوشل میڈیا پر رونالڈو کی تعریف کرتے ہوئے لکھا کہ آپ کے احترام کے لیے بہت سارے الفاظ ہیں اس نے دیکھا کہ سب کچھ کیسے تبدیل ہو گیا ہے لیکن بہت دیر ہو چکی ہے، دنیا کا بہترین کھلاڑی اور ٹیم کا سب سے طاقتور ہتھیار جسے استعمال ہی نہیں کیا گیا۔

پرتگال کے کوچ سینٹوس سے جب رونالڈو کے بنچ بننے کے ان کے فیصلے کے بارے میں پوچھا گیا تو انہوں نے کہا کہ انہیں کوئی پچھتاوا نہیں ہے کیونکہ اسی ٹیم نے گزشتہ میچ میں سوئٹزرلینڈ کے خلاف واقعی اچھی کارکردگی کا مظاہرہ کیا تھا جس میں ان کی ٹیم نے 6-1 سے کامیابی حاصل کی تھی۔

کوچ فرنینڈو سینٹوس میچ کے بعد کہا کہ مجھے کوئی افسوس نہیں ہے، یہ ایک ایسی ٹیم ہے جس نے سوئزرلینڈ کے خلاف بہت اچھا کھیلا، رونالڈ ایک عظیم کھلاڑی ہے لیکن رونالڈو اس وقت آیا جب ہم نے اسے ضروری سمجھا.

مراکش کے خلاف شکست کے ساتھ ہی نہ صرف پرتگال کی فیفا ورلڈ کپ مہم ختم ہو گئی بلکہ ممکنہ طور پر 37 سالہ رونالڈو کا عالمی فٹ بال کی سب سے بڑی ٹرافی اٹھانے کا خواب بھی چکنا چور ہو گیا۔