حارث رؤف جلد اپنی کلاس فیلو کے ساتھ شادی کے بندھن میں بندھنے جارہے ہیں۔

قومی ٹیم کے فاسٹ بولر حارث رؤف کی شادی کی خبریں زیر گردش ہیں جب کہ رواں ماہ ان کی شادی ہونے کا دعویٰ کیا جارہا ہے۔

میڈیا رپورٹس کے مطابق حارث رؤف اپنی کلاس فیلو اور مشہور شخصیت مُزنہ مسعود کے ساتھ شادی کررہے ہیں جن کے ساتھ ان کی تصاویر سوشل میڈیا پر وائرل ہورہی ہیں۔

تاہم اب تک حارث رؤف اور مُزنہ مسعود کی جانب سے کوئی ردعمل سامنے نہیں آیا ہے لیکن یہی امکان ہے کہ حارث رؤف مُزنہ مسعود کے ساتھ ہی شادی کریں گے۔

میڈیا رپوٹس میں یہ دعویٰ کیا گیا ہے کہ حارث رؤف کی نکاح کی تقریب 24 دسمبر کو اسلام آباد میں منعقد ہوگی۔

واضح رہے کہ اس سے قبل حارث رؤف نے نجی خبر رساں ادارے کو انٹرویو دیتے ہوئے کہا تھا کہ وہ جلد شادی کرنے والے ہیں۔

انہوں نے کہا تھا کہ وہ اپنی پسند کو ارینج میں تبدیل کرنے کا ارادہ رکھتے ہیں جب کہ ان کی خواہش ہے کہ شریکِ حیات صرف ان ہی میں دلچسپی رکھتی ہو۔