مشہور مصری فٹبالر محمد صلاح بھی فلسطینیوں کے حق میں بول پڑے۔

تفصیلات کے مطابق محمد صلاح  نے سماجی رابطے کی ویب سائٹ ایکس(سابقہ ٹوئیٹر) پر  اسرائیلی سفاکیت کے شکار فلسطینیوں کے حق میں جذباتی ویڈیو پیغام جاری کر دیا۔

اپنے پیغام میں انہوں نے غزہ پر اسرائیلی بربریت کے بارے میں کہا کہ ایسے وقت میں بات کرنا آسان نہیں ہوتا۔اسرائیلی حملوں میں بہت تشدد اور بے انتہا بربریت ہے۔

محمد صلاح نے کہا کہ  حماس اسرائیل تنازع میں شدت ناقابل برداشت ہے۔تمام زندگیاں مقدس ہیں ،  ان کا تحفظ ہونا چاہیے اور قتل و غارت گری بند ہونی چاہیے۔

ان کا مزید کہنا تھا کہ  کئی خاندان ٹوٹ کر بکھر رہے ہیں، اس وقت یہ بات انتہائی ضروری ہے کہ فوری طور پر غزہ  کے لیے انسانی امداد کی اجازت دی جائے۔وہاں کے لوگ انتہائی مشکلات سے دوچار ہیں۔

pic.twitter.com/cpyHFIhuQj

— Mohamed Salah (@MoSalah) October 18, 2023

واضح رہے غزہ پر اسرائیل کی وحشیانہ بمباری جاری ہے جس میں ایک ہزار سے زائد بچوں سمیت 3478 فلسطینی شہید ہوگئے جبکہ   زخمیوں کی تعداد 12 ہزار سے تجاوز کر گئی ہے۔

فلسطینی وزیر اطلاعات کے مطابق گزشتہ 24 گھنٹوں میں 678 فلسطینی شہید ہوئے۔

منگل کی شب غزہ کے ایک اسپتال پر اسرائیلی فوج کی بمباری میں 500 سے زائد فلسطینی شہید اور سیکڑوں زخمی ہوگئے تھے۔

اسرائیلی طیاروں نے اسپتال کو  نشانہ بنایا  تھاجس میں طبی عملہ، مریض اور  پناہ لیے ہوئے عام شہری شہید ہوئے تھے۔

فلسطینی میڈیا کا دعویٰ ہے کہ  غزہ اسپتال پر حملے میں شہادتوں کی تعداد  ایک ہزار سے زائد ہے۔

ترک میڈیا کی رپورٹ کے مطابق اسرائیل نے اسپتال کے بعد مرکزی غزہ کے مہاجر کیمپ نصیرت میں ایک مسجد پر فضائی کارروائی کی جہاں پناہ لیے ہوئے کئی بے گھر فلسطینی شہید اور زخمی ہوگئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں