پاک انگلینڈ ٹیسٹ سیریز کے نظرثانی شدہ شیڈول کا اعلان

ویب ڈیسک

20th Sep, 2024. 04:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک انگلینڈ ٹیسٹ سیریز کے نظرثانی شدہ شیڈول کا اعلان

لاہور: پاکستان کرکٹ بورڈ نے انگلینڈ کے خلاف ٹیسٹ سیریز کے نظرثانی شدہ شیڈول کا اعلان کردیا۔

پاکستان کرکٹ بورڈ کی جانب سے جاری کردہ نظرثانی شدہ شیڈول کے ماطبق دوسرا ٹیسٹ میچ کراچی کی بجائے اب ملتان میں 15 سے 19 اکتوبر تک کھیلا جائے گا۔

بقیہ دونوں ٹیسٹ پہلے سے طے شدہ پروگرام کے مطابق کھیلے جائیں گے، پہلا ٹیسٹ 7 سے 11 اکتوبر تک ملتان میں اور تیسرا ٹیسٹ 24 سے 28 اکتوبر تک راولپنڈی میں ہوگا۔

ٹیسٹ میچ کی کراچی سے ملتان منتقلی کا سبب چیمپئنز ٹرافی کے سلسلے میں نیشنل بینک اسٹیڈیم میں کام کا جاری ہونا ہے۔

پی سی بی کے ڈائریکٹر انٹرنیشنل عثمان واہلہ کا کہنا ہے کہ پی سی بی انگلینڈ کی مینز کرکٹ ٹیم کے پاکستان دوبارہ آنے پر پرجوش ہے۔

عثمان واہلہ نے مزید کہا کہ سیریز شیڈول میں معمولی ایڈجسٹمنٹ کے باوجود، ہم شائقین کی مدد کرنے اور اس دورے کو یاد گار بنانے کے لیے پرعزم ہیں۔