
پیغام پاکستان اور مسلم یوتھ لیگ کے زیر اہتمام ’’گل زمین فٹبال کپ‘‘ کا سلسلہ جاری
کراچی: پیغام پاکستان اور مسلم یوتھ لیگ کے زیر اہتمام ملکی تاریخ کے سب سے بڑے 15 روزہ ’’گل زمین فٹبال کپ‘‘ کا سلسلہ جاری ہے۔
15 روزہ گل زمین فٹبال کپ کے پانچویں روز 6 میچز کھیلے گئے، یہ میچز کراچی کے 3 مختلف گراﺅنڈز ککری گراﺅنڈ لیاری، حیدری اسپورٹس گراﺅنڈ اور محمدی اسپورٹس گراﺅنڈ ملیر میں کھیلے گئے۔
میچز کے دوران تمام ٹیموں نے مجموعی طور پر 21 گول کیے جب کہ بلوچ مجاہد 8 گول بناکر ایونٹ میں نمایاں رہی۔
گل زمین فٹبال کپ ککری گراﺅنڈ لیاری میں میچز کے دوران پہلا میچ حیدری بلوچ بمقابلہ سندھ بلوچ ہوا جس میں حیدری بلوچ نے 2-1 سے جیت اپنے نام کی جب کہ دوسرا میچ بلوچ ایلیون بمقابلہ وہاب ایلیون کھیلا گیا جس میں بلوچ ایلیون نے 1-0 سے حریف ٹیم کو شکست دے دی۔
اسی طرح محمدی اسپورٹس گراﺅنڈ ملیر میں ہونے والے میچز کے دوران پہلا میچ جام ایلیون بمقابلہ لال ایلیون ہوا جس میں جام ایلیون نے 4-1 سے مدمقابل ٹیم کو چت کرکے جیت اپنے نام کی۔
دوسرا میچ دلبود محمڈن بمقابلہ صاحبداد اسٹار کے درمیان ہوا جس میں دلبود نے 1-0 سے حریف ٹیم کو شکست دے دی۔
حیدری اسپورٹس گراﺅنڈ میں کھیلے گئے میچز کے دوران پہلا میچ بسم اللہ اسپورٹس بمقابلہ جلال مراد ہوا جس میں بسم اللہ اسپورٹس نے 3-1 سے جلال مراد کو شکست دے دی۔
دوسرا میچ بلوچ مجاہد بمقابلہ اللہ داد محمڈن کھیلا گیا، بلوچ مجاہد نے بہترین کھیل کا مظاہرہ کرتے ہوئے 8 گول کا پہاڑ کھڑا کردیا جب کہ اللہ داد ٹیم ایک گول بھی نہ کرسکی اور ہار مقدر بنی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News