چیمپئنز ٹرافی میں بھارت کا فاتحانہ آغاز؛ بنگلادیش کو 6 وکٹوں سے شکست

ویب ڈیسک

20th Feb, 2025. 09:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیمپئنز ٹرافی میں بھارت کا فاتحانہ آغاز؛ بنگلادیش کو 6 وکٹوں سے شکست

دبئی: چیمپئنز ٹرافی 2025 میں بھارت نے فاتحانہ آغاز کرتے ہوئے بنگلادیش کو باآسانی 6 وکٹوں سے شکست دے دی۔

چیمپئنز ٹرافی 2025 کے گروپ اے کا دوسرا میچ بھارت اور بنگلادیش کی ٹیموں کے درمیان دبئی میں کھیلا گیا جس میں بنگلادیش نے ٹاس جیت کر پہلے بیٹنگ کا فیصلہ کیا جو غلط ثابت ہوا۔

بنگلادیش کی اننگز

بنگلادیش کی پوری ٹیم 49.4 اوورز میں 228 رنز پر ڈھیر ہوگئی جب کہ توحید ہریدوئے 100 رنز بنا کر نمایاں رہے، جاکر علی 68، تنزید حسن 25 اور رشاد حسین 18 رنز بناکر آؤٹ ہوئے۔

علاوہ ازیں مہدی حسن میراض 5 اور تسکین احمد 3 رنز ہی بناسکے جب کہ مشفق الرحمان، کپتان نجم الحسن شانتو، تنظیم حسن ثاقب اور سومیا سرکار بغیر کوئی رن بنائے ہی پویلین لوٹ گئے۔

بھارت کی جانب سے محمد شامی نے 5 کھلاڑیوں کو آؤٹ کیا جب کہ ہرشت رانا 3 اور اکشر پٹیل کے حصے میں 2 وکٹیں آئیں۔

بھارت کی اننگز

بھارت نے مقررہ ہدف 47 ویں اوور میں حاصل کرلیا، شبھمن گل شاندار سنچری کی بدولت 101 رنز بناکر ناقابل شکست رہے جب کہ روہت شرما اور لوکیش راہول 41،41 رنز بنانے میں کامیاب رہے۔

ویرات کوہلی 22، شریاس ائیر15، اکشر پٹیل 8 رنز بناسکے جب کہ بنگلادیش کی جانب سے ریشاد حسین نے 2، مستفیض اور تسکین احمد نے ایک، ایک وکٹ حاصل کی۔