چیمپئنز ٹرافی؛ بارش کے باعث آسٹریلیا بمقابلہ جنوبی افریقا کا میچ منسوخ

ویب ڈیسک

25th Feb, 2025. 05:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیمپئنز ٹرافی؛ بارش کے باعث آسٹریلیا بمقابلہ جنوبی افریقا کا میچ منسوخ

راولپنڈی میں بارش کے باعث چیمپئنز ٹرافی 2025 کا آسٹریلیا بمقابلہ جنوبی افریقا کا میچ منسوخ کردیا گیا۔

آئی سی سی چیمپئنز ٹرافی کا ساتواں میچ آج آسٹریلیا اور جنوبی افریقا کی ٹیموں کے درمیان شیڈول تھا لیکن بارش کے باعث میچ کا ٹاس بھی نہیں ہوسکا۔

تاہم اب آسٹریلیا بمقابلہ جنوبی افریقا کے میچ کو منسوخ کردیا گیا ہے اور دونوں ٹیموں کو ایک ایک پوائنٹ دے دیا گیا ہے۔

اس وقت بھی جڑواں شہروں اسلام آباد اور راولپنڈی میں وقفے وقفے سے بارش کا سلسلہ جاری ہے اور محکمہ موسمیات نے آج دن بھر بارش کی پیش گوئی کر رکھی ہے۔

خیال رہے کہ چیمپئنز ٹرافی کے گروپ بی میں شامل مذکورہ دونوں ٹیموں نے ایک، ایک میچ جیت رکھا ہے، آسٹریلیا نے روایتی حریف انگلینڈ جب کہ جنوبی افریقا نے افغانستان کو شکست دی تھی۔

واضح رہے کہ چیمپئنز ٹرافی میں پاکستان کا اگلا میچ بنگلادیش کے خلاف 27 فروری کو لاہور میں شیڈول ہے جو محض ایک رسمی کارروائی کی حیثیت رکھتا ہے۔