لاہور کے نو تعمیر شدہ قذافی اسٹیڈیم میں کھیلے گئے میچ میں پاکستان کی ٹیم نیوزی لینڈ کے 330 رنز کے جواب میں 47.5 اوورز میں 252 رنز بنا کر آؤٹ ہو گئی۔

کیوی ہدف کے تعاقب میں گرین شرٹس کے اوپنر بابر اعظم کی اننگ صرف 10 رنز تک محدود رہی، جبکہ فخر زمان 69 گیندوں پر 84 رنز بنا کر نمایاں رہے۔

کپتان محمد رضوان صرف 3 رنز کے مہمان ثابت ہوئے، کامران غلام نے 18 رنز بنائے، سلمان آغا 40 اور طیب طاہر 30 رنز بنا سکے۔

خوشدل شاہ 15 ، شاہین شاہ آفریدی 10 نسیم شاہ 13 اور ابرار احمد نے 23 رنز بنائے۔

نیوزی لینڈ کی جانب سے میٹ ہینری اور مچل سینٹر نے 3،3 کھلاڑیوں کو آؤٹ کیا، مائیکل بریسول نے 2 اور گلین فلپس نے 1 کھلاڑی کو پویلین کی راہ دکھائی۔

اس سے قبل پاکستان اور نیوزی لینڈ کی ٹیموں کے درمیان لاہور کے قذافی اسٹیڈٰیم میں سہ فریقی سیریز کے میچ میں نیوزی لینڈ نے ٹاس جیت کر بیٹنگ کا فیصلہ کیا۔

نیوزی لینڈ نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 330 رنز بنائے جب کہ گلین فلپس 106 رنز کے ساتھ نمایاں رہے۔

علاوہ ازیں ڈیرل مچل 81، کین ولیمسن 58، مائیکل بریس ویل 31، رچن رویندرا 25 اور ول ینگ 4 رنز بناکر آؤٹ ہوئے۔

پاکستان کی جانب سے شاہین شاہ آفریدی نے 3 کھلاڑیوں کو آؤٹ کیا جب کہ ابرار احمد نے دو وکٹیں حاصل کیں اور حارث روف نے ایک کھلاڑی کو پویلین کی راہ دکھائی۔

اس سے قبل ٹاس کے بعد بات کرتے ہوئے کیوی کپتان کا کہنا تھا کہ زیادہ سے زیادہ اسکور کرنے کی کوشش کریں گے، چیمپئنز ٹرافی کے حوالے سے یہ سیریز اہم ہے۔

قومی ٹیم کے کپتان محمد رضوان نے کہا کہ اگر ٹاس جیت جاتے تو ہم بھی بیٹنگ کرلیتے، یہ سیریز چیمپئنز ٹرافی کیلئےاہم ہے۔ بولنگ اٹیک میں نسیم شاہ، شاہین اور حارث ہوں گے جب کہ بابراعظم اور فخر زمان اوپن کریں گے۔

پاکستان پلیئنگ الیون

محمد رضوان (کپتان)، فخرزمان، بابر اعظم، کامران غلام، سلمان آغا، طیب طاہر، خوشدل شاہ، شاہین شاہ آفریدی، حارث رؤف، ابرار احمد اور نسیم شاہ۔