کھلاڑیوں کو وقت دیا جانا چاہیے؛ حارث رؤف کی اپیل

ویب ڈیسک

18th Mar, 2025. 05:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کھلاڑیوں کو وقت دیا جانا چاہیے؛ حارث رؤف کی اپیل

قومی کرکٹ ٹیم کی مسلسل شکستوں کے بعد فاسٹ بولر حارث رؤف نے کھلاڑیوں کو مزید وقت دینے کی اپیل کردی۔

قومی کرکٹ ٹیم کے فاسٹ بولر حارث رؤف نے میڈیا سے گفتگو کرتے ہوئے کہا کہ تمام کھلاڑیوں نے محنت کی ہے لیکن نیوزی لینڈ کی بیٹنگ زیادہ اچھی رہی۔

حارث رؤف نے کہا کہ مختلف گراؤنڈز اور کنڈیشنز میں کھیلنا ایک چیلنج ہوتا ہے اور بڑے گراؤنڈز میں زیادہ اسکور والے میچز ہوتے ہیں۔

ان کا کہنا تھا کہ ہمارے بولرز نے اچھی باؤلنگ کی لیکن ہمیں ماضی سے سیکھ کر آگے بڑھنا ہوگا، نیوزی لینڈ نے بہترین کرکٹ کھیلی اور اچھی شاٹس لگائیں۔

قومی کرکٹ ٹیم کے فاسٹ بولر نے کہا کہ پاکستان میں ہر کوئی تنقید کر رہا ہے لیکن اگر کھلاڑیوں کو موقع دیا گیا ہے تو انہیں وقت بھی دینا چاہیے۔

انہوں نے مزید کہا کہ ہماری پوری کوشش ہے کہ ٹیم کو بہتر کیا جائے اور لڑکوں کو موٹیویٹ کریں۔ مشکلات ضرور ہیں لیکن بہتری کے لیے کام کررہے ہیں۔

واضح رہے کہ قومی کرکٹ ٹیم کو نیوزی لینڈ کے خلاف دوسرے ٹی ٹوئنٹی میچ میں بھی شکست کا سامنا کرنا پڑا ہے جب کہ اس سے قبل چیمپئنز ٹرافی میں پاکستان نے مایوس کن کارکردگی کا مظاہرہ کیا تھا۔