شادی نہیں کررہا، شبمن گل کمنٹریٹر کے اچانک سوال پر حیران

ویب ڈیسک

22nd Apr, 2025. 09:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شادی نہیں کررہا، شبمن گل کمنٹریٹر کے اچانک سوال پر حیران

ممبئی: انڈین پریمیئر لیگ میں کمنٹریٹر کی جانب سے شادی کے اچانک سوال پرنوجوان بھارتی کرکٹر اور گجرات ٹائٹنز کے کپتان شبمن گل پریشان ہوگئے۔

کولکتہ نائٹ رائیڈراور گجرات ٹائٹنز کے مقابلے سے قبل ٹاس کے دوران کمنٹریٹر ڈینی موریسن نے اچانک شبمن گل سے سوال کیا ’’کیا آپ جلد ہی شادی کرنے والے ہیں؟‘‘۔

ڈینی موریسن نے اس سے قبل بھارتی کرکٹر کی تعریف بھی کی تھی مگر اچانک شادی کے سوال پر شبمن گل حیران رہ گئے اور صرف ’’نہیں ‘‘ کہہ کر جان چھڑا لی۔

اس سلسلے میں انڈین پریمیئر لیگ کی جانب سے آفیشل ویب سائٹ پر ایک ویڈیو اپ لوڈ کی گئی جو سوشل پر تیزی سے وائرل ہورہی ہے۔

خیال رہے کہ بھارتی کرکٹر اور گجرات ٹائٹنز کے کپتان شبمن گل کا نام ماضی میں بھارتی اسٹار کرکٹر سچن ٹنڈولکر کی بیٹی کے ساتھ جوڑا جاتا رہا ہے مگر دونوں کی جانب سے اس کی تصدیق نہیں کی گئی۔

ایڈنز گارڈنز میں گھیلے گئے اس میچ میں گجرات ٹائٹنز نے کولکتہ نائٹ رائیڈرز کو شبمن گل کی 90 رنز کی جارحانہ اننگز کی بدولت 39 رنز سے شکست دے دی تھی۔

198 رنز کے ہدف کے تعاقب میں کولکلتہ نائٹ رائیڈر کی ٹیم مقررہ اوور میں 8 وکٹوں کے نقصان پر 158 رنز ہی بناسکی۔