’’شاباش پاکستان ویمنز کرکٹ ٹیم شاباش‘‘، محسن نقوی کی ویمنز ٹیم کو مبارکباد

ویب ڈیسک

19th Apr, 2025. 06:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’’شاباش پاکستان ویمنز کرکٹ ٹیم شاباش‘‘، محسن نقوی کی ویمنز ٹیم کو مبارکباد

لاہور: پی سی بی کے چیئرمین محسن نقوی نے قومی ویمنز ٹیم کو ورلڈکپ کوالیفائر میں کامیابی پر مبارکباد پیش کی۔

پاکستان کرکٹ بورڈ (پی سی بی) کے چیئرمین محسن نقوی نے ایل سی سی اے گراؤنڈ میں پاکستان ویمنز کرکٹ ٹیم سے ملاقات کی اور انہیں آئی سی سی ویمنز کرکٹ ورلڈ کپ کوالیفائر میں شاندار کامیابی پر دل کی گہرائیوں سے مبارکباد دی۔

چیئرمین پی سی بی نے کہا کہ شاباش پاکستان ویمنز کرکٹ ٹیم شاباش، ٹیم کی ناقابلِ شکست کارکردگی کو سراہتے ہوئے انہوں نے کہا کہ خواتین کھلاڑیوں نے پانچوں میچز میں فتح حاصل کرکے ایک ٹیم کی طرح کھیلنے کا ثبوت دیا ہے۔

محسن نقوی نے خواتین کھلاڑیوں کے لیے انعام کا اعلان بھی کیا اور ٹیم ورک کی تعریف کرتے ہوئے کہا کہ پاکستان ویمنز پلئیرز نے بھرپور ٹیم ورک دکھایا جو ان کی کامیابی کی بڑی وجہ بنا۔

چیئرمین پی سی بی نے پاکستانی ویمنز ٹیم کے لیے ورلڈ کپ کے موقع پر نیک خواہشات کا اظہار کرتے ہوئے کہا کہ ہمیں امید ہے کہ آپ ورلڈکپ میں بھی ایسی ہی شاندار کارکردگی کا تسلسل برقرار رکھیں گی اور پاکستان کا نام روشن کریں گی۔