بھارت کیخلاف ٹی ٹوئنٹی سیریز میں انگلینڈ نے رینکنگ میں ٹاپ پوزیشن پر نظریں جمالی ہیں۔
تفصیلات کے مطابق انگلینڈ نئے کپتان جوز بٹلر کے دور کپتانی کا آغاز ٹی ٹوئنٹی میں ٹاپ رینکنگ حاصل کرکے کرنا چاہتا ہے۔
سابق کپتان اوئن مورگن کی ریٹائرمنٹ کے بعد بھارت کے خلاف تین میچز کی سیریز جوز بٹلر کے پاس ایسا کرنے کے لیے بہترین موقع ہے ۔
اگر چہ انگلینڈ ٹی ٹوئنٹی سیریز میں دوسینئر بلے بازوں جونی بیئر اسٹو اور بین اسٹوکس کی خدمات سے محروم ہوگا لیکن اسے پھر بھی بڑے نامور پاور ہٹرز کی خدمات حاصل ہوں گی۔
England aim to rise to the 🔝 of the @MRFWorldwide ICC Men's T20I Team Rankings in the series against India 📈 #ENGvIND | Preview 👇 https://t.co/qQbwOYnUxp
— ICC (@ICC) July 7, 2022
خود جوز بٹلر کے ہمراہ جیسن روئے، لیام لیونگ اسٹون، معین علی ، ڈیوڈ ملان اور فل سالٹ جیسے جارح مزاج بلے باز انگلینڈ کو تن تنہا میچ جتوانے کی صلاحیت رکھتے ہیں۔
انگلینڈ کو ٹی ٹوئنٹی رینکنگ میں بھارت سے پہلی پوزیشن چھیننے کے لیے اسے سیریز میں 0-3 یا 1-2 سے شکست دینا ہوگی۔
