Site icon بول نیوز

انگلینڈ کا جنوبی افریقہ کیخلاف پہلے دو ٹیسٹ میچز کیلئے اسکواڈ کا اعلان

سید قاسم رضا

انگلینڈ نے  جنوبی افریقہ  کے خلاف پہلے دو ٹیسٹ میچز  کے لیے اسکواڈ کا اعلان کردیا۔

تفصیلات کے مطابق  انگلینڈ نے  جنوبی افریقہ  کے خلاف تین ٹیسٹ میچز پر مشتمل سیریز کے پہلے دو ٹیسٹ میچز  کے لیے 14 رکنی اسکواڈ کا اعلان کردیا جس میں اولی روبنسن کی واپسی ہوئی ہے۔

اولی روبنسن مارچ میں ویسٹ انڈیز کے خلاف سیریز کے دوران انجری کا شکار ہوکر ٹیم سے باہر ہوگئے تھے۔

کورونا کا شکار ہوکر بھارت کے خلاف پانچویں ٹیسٹ سے باہر ہونے والے  وکٹ کیپر بلے باز بین فوکس بھی  اسکواڈ کا حصہ ہیں۔

دونوں ٹیموں کےمابین ٹیسٹ سیریز آئی سی سی ورلڈ ٹیسٹ چیمپئن شپ کا حصہ ہے۔ورلڈ ٹیسٹ چیمپئن شپ پوائنٹس ٹیبل پر جنوبی افریقہ اس وقت 71.43 پوائنٹس کے ساتھ سرفہرست ہے جبکہ انگلینڈ 33.33 فیصد کے ساتھ ساتویں نمبر پر ہے۔

اسکواڈ:

 بین اسٹوکس (کپتان)، جیمز اینڈرسن، جونی بیئر اسٹو ، اسٹورٹ براڈ، ہیری بروک، زیک کرولی، بین فوکس، جیک لیچ، ایلکس لیس ، کریگ اوورٹن، میتھیو پوٹس، اولی پوپ، اولی رابنسن، جو روٹ۔

Exit mobile version