ورلڈ بلاٸنڈ کرکٹ کونسل نے ٹی ٹوئنٹی بلاٸنڈ کرکٹ ورلڈکپ کے چوتھے ایڈیشن کے شیڈول کا اعلان کردیا۔
صدر ورلڈ بلاٸنڈ کرکٹ کونسل سید سلطان شاہ کے مطابق ٹی ٹوئنٹی بلاٸنڈ کرکٹ ورلڈ کپ کا آغاز 23 نومبر سے لاہورمیں ہو گا، ورلڈ کپ کا فاٸنل 3 دسمبر کو کھیلا جاٸے گا۔
ٹورنامنٹ میں بھارت، سری لنکا، بنگلا دیش، جنوبی افریقہ، نیپال، افغانستان اور میزبان پاکستان ٹیم مد مقابل ہوں گی، بھارت ورلڈ کپ میں اپنے اعزاز کا دفاع کرے گی۔
افتتاحی میچ جنوبی افریقہ اور میزبان پاکستان کے مابین 23 نومبرکو ہوگا، روایتی حریف بھارت اور پاکستان 25 نومبر کو مدمقابل ہوں گے۔
سید سلطان شاہ نے بتایا کہ غیر ملکی ٹیموں کی آمد کا سلسلہ 21 نومبر تک مکمل ہوجائے گا، ورلڈکپ کی افتتاحی تقریب 22 نومبر کو لاہورمیں منعقد ہوگی۔
صدر ورلڈ بلاٸنڈ کرکٹ کونسل مزید کہتے ہیں کہ افتتاحی میچ سمیت ایونٹ کے 15 میچز کی میزبانی لاہور کرے گا، سیمی فائنلز اور فائنل سمیت 9 میچز ملتان میں کھیلے جائیں گے۔