ٹی ٹوئنٹی ٹرائی سیریز کے آخری لیگ میچ میں بابر اعظم دوسری گیند پر صفر پر آؤٹ ہو کر ایک شرمناک ریکارڈ کے مالک بن گئے۔
سری لنکا کی جانب سے دیئے گئے 185 رنز کے ہدف میں بابر اعظم کا دوسری گیند پر صفر پر آؤٹ ہونا پاکستان کے لیے مایوس کن رہا۔
اس صفر کے ساتھ وہ ٹی ٹوئنٹی انٹرنیشنلز میں سب سے زیادہ ڈکس کا ریکارڈ رکھنے والے عمر اکمل اور صائم ایوب کے ساتھ شامل ہوگئے ہیں۔ تینوں کھلاڑی اب تک 10، 10 بار صفر پر آؤٹ ہوچکے ہیں۔
مزید پڑھیں: طویل انتظار کے بعد سنچری؛ بابر اعظم نے مداحوں سے کیا کہا؟
بابر اعظم کے لیے یہ ٹورنامنٹ بھی انتہائی خراب ثابت ہوا، وہ چار میچوں میں صرف 90 رنز ہی بنا سکے اور ان کی اوسط و اسٹرائیک ریٹ دونوں مایوس کن رہے۔
میچ کی صورتحال
سری لنکا نے پہلے بیٹنگ کرتے ہوئے 184 رنز بنائے، کامل مشارا نے شاندار 76 رنز اسکور کیے۔ جواب میں پاکستان محض 5.2 اوورز میں 43 رنز پر چار کھلاڑیوں سے محروم ہوگیا۔ تاہم سلمان آغا اور عثمان خان نے 56 رنز کی شراکت سے ٹیم کو سنبھالا۔
سلمان آغا نے 63 رنز کی ناقابل شکست اننگز کھیلی مگر آخری اوورز میں اسکور کا دباؤ پاکستان پر حاوی رہا اور وہ چھ رنز سے ہار گیا۔
فائنل کا اعلان
اس شکست کے باوجود پاکستان پہلے ہی فائنل میں جگہ بنا چکا ہے۔ 29 نومبر کو پاک سری لنکا فائنل ایک بار پھر انہی دو ٹیموں کے درمیان کھیلا جا
ئے گا۔
