ڈھاکہ: پاکستان کے 11 کھلاڑی بنگلادیش پریمیئر لیگ ( بی پی ایل ) کا حصہ بن گئے، ایونٹ کا اغاز 26 دسمبر سے ہونے کا امکان ہے۔
میڈیا رپورٹس کے مطابق بنگلا دیش پریمیئر لیگ کا 26 دسمبر سے شروع ہونے کا امکان ہے، جس میں پاکستان کے 11 کرکٹرز بھی ایکشن میں نظر آئیں گے۔
مزید پڑھیں: ایشیا کپ رائزنگ اسٹار فائنل، پاکستان نے سپر اوور میں بنگلہ دیش کو ہرا کر ٹائٹل جیت لیا
پاکستان کے بیشتر کرکٹرز کو بی پی ایل کی نیلامی کے دوران فرنچائزز نے لیا اور کچھ سے معاہدے کیے گئے ہیں۔
پاکستانی کرکٹر خواجہ نافع اور صفیان مقیم رنگپور رائیڈرز کا حصہ بن گئے ہیں جبکہ صاحبزادہ فرحان ، محمد نواز ، جہانداد خان اور راج شاہی وارئیرز کی ٹیم میں شامل ہیں۔
احسان اللہ اورحیدر علی نوکخالی ایکسپریس کا حصہ بنے ہیں، عثمان خان ڈھاکا کیپٹلز اور ابرار احمد چٹاگانگ رائلز کی ٹیم میں ہیں جبکہ صائم ایوب اور محمد عامر سلہٹ ٹائٹنز کی طرف سے کھیلیں گے۔