کوالالمپور: ہاکی نیشنز کپ کے پہلے سیمی فائنل میں پاکستان نے پنالٹی شوٹ آؤٹ پر فرانس کو شکست دے کر فائنل تک رسائی حاصل کرلی۔
ملائیشیا میں پاکستان اور فرانس کے درمیان نیشنز ہاکی کپ کا پہلا سیمی فائنل پاکستان اور فرانس کی ٹیموں کے درمیان کھیلا گیا جو 3-3 گول سے برابر رہا۔
پاکستان کی جانب سے افراز، سفیان اور رانا وحید نے ایک ایک گول اسکور کیا۔
بعد ازاں جیتنے والی ٹیم کا فیصلہ پنالٹی شوٹ آؤٹ پر کیا گیا جس میں پاکستان نے 3-2 سے فرانس کو شکست دے کر فائنل تک رسائی حاصل کرلی ہے۔
یاد رہے کہ ایونٹ کے دوسرے سیمی فائنل میں نیوزی لینڈ اور کوریا کی ٹیمیں مدمقابل ہیں جب کہ دوسری فائنلسٹ ٹیم کا فیصلہ بھی آج ہی ہوجائے گا۔
دوسرا سیمی فائنل جیتنے والی ٹیم 21 جون کو پاکستان کے مدقابل ہوگی جو ملائیشیا کے کوالا لمپور نیشنل ہاکی اسٹیڈیم میں شیڈول ہے۔