ایشین گیمز مینز کرکٹ ایونٹ کے دوسرے سیمی فائنل میں افغانستان  نے پاکستان  کو شکست دے دی۔

تفصیلات کے مطابق چینی شہر ہانگزو میں کھیلے گئے میچ میں افغانستان نے ٹاس جیت کر پاکستان کو پہلے بیٹنگ کرنے کی دعوت دی تو پوری ٹیم 18 اوورز میں 115 رنز بنا کر آل آؤٹ ہوگئی۔

عمیر یوسف 24 رنز بناکر نمایاں رہے۔عامر جمال 14، عرفات منہاس 13 اور روحیل نذیر 10 رنز بناکر آؤٹ ہوئے۔

ان کے علاوہ کوئی کھلاڑی ڈبل فیگرز میں داخل نہ ہوسکا ۔کپتان قاسم اکرم 9، خوشدل اور آصف علی 8،8، عثمان قادر ناٹ آؤٹ 5، مرزا بیگ 4، حیدر علی 2 اور سفیان مقیم ایک رن بناکر آؤٹ ہوئے۔

افغانستان کی جانب سے فرید احمد نے3، قیس احمد اور ظاہر خان نے2،2 جبکہ گلبدین نائب اور کریم جنت نے ایک ایک وکٹ حاصل کی۔

افغانستان نے ہدف کا تعاقب اٹھارہویں اوور میں با آسانی  6 وکٹوں کے نقصان پر حاصل کرلیا۔ نور علی زادران 39 اور کپتان گلبدین  نائب ناقابل شکست 26 رنز بناکر نمایاں رہے۔

پاکستان کی جانب سے عثمان قادر اور عرفات منہاس نے 2،2 جبکہ قاسم اکرم اور سفیان مقیم نے ایک ایک وکٹ حاصل کی۔

Afghanistan win the semi-final by four wickets.#AsianGames | #PAKvAFG pic.twitter.com/K329aQ4Gnm

— Pakistan Cricket (@TheRealPCB) October 6, 2023

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں