صدر ویسٹ بنگال کرکٹ ایسوسی ایشن سنہاسیش گنگولی کولکتہ میں پاک بھارت سیمی فائنل کے خواہاں ہیں۔

تفصیلات کے مطابق  سارو گنگولی کے بھائی  اور ویسٹ بنگال کرکٹ  کے صدر سنہاسیش گنگولی  نے کولکتہ میں بول نیوز سے گفتگو کرتے ہوئے کہا کہ پورا کولکتہ چاہتا ہے پاکستان سیمی فائنل میں آئے اور اس کا بھارت  کے ساتھ ایڈن گارڈنز میں مقابلہ ہو۔

سنہاسیش گنگولی نے کہا کہ پاک بھارت میچ کے لیے میں بطور ایسوسی ایشن صدر پورے شہر کا بوجھ اٹھانے کو تیار ہوں۔

انہوں نے کہا کہ ہم پاکستان ٹیم کے ٹیلنٹ کی قدر کرتے ہیں اور   پاکستان ٹیم کی انگلینڈ کے خلاف کامیابی  کے لیے دعاگو ہیں۔

سنہاسیش گنگولی نے کہا کہ  پاک بھارت میچ کی میزبانی کسی بھی ایسوسی ایشن اور شہر کا خواب ہوتا ہے۔

واضح رہے کہ پاکستان کے سیمی فائنل میں پہنچنے کے امکانات اگر مگر کا شکار ہیں ۔

پاکستان کو سیمی فائنل میں رسائی کے لیے انگلینڈ کے خلاف لازمی فتح درکار ہےجبکہ نیوزی لینڈ کو سری لنکا کے خلاف شکست یا واش آؤٹ پاکستان کے حق میں ہوگا۔

اگر نیوزی لینڈ ٹیم سری لنکا کو شکست دے دے تو پاکستان کو انگلینڈ کو بھاری مارجن سے ہراکر اپنا نیٹ رن ریٹ نیوزی لینڈ سے بہتر کرنا ہوگا۔

افغانستان ٹیم بھی سیمی فائنل کی دوڑ میں شامل ہے اور اس کا مقابلہ جنوبی افریقا سے  ہوگا تاہم افغان ٹیم  کے منفی نیٹ  رن ریٹ  کے باعث پاکستان اور نیوزی لینڈ کو زیادہ  خطرہ نہیں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں