ویمنز ٹی ٹوئنٹی: فیصلہ کن میچ میں پاکستان کو شکست، سیریز جنوبی افریقہ کے نام

ویب ڈیسک

20th Sep, 2024. 01:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویمنز ٹی ٹوئنٹی: فیصلہ کن میچ میں پاکستان کو شکست، سیریز جنوبی افریقہ کے نام

تیسرے اور فیصلہ کن میچ میں جنوبی افریقہ نے پاکستان کو شکست دے کر سیریز 1-2 سے اپنے نام کرلی۔

ملتان کرکٹ اسٹیڈیم میں کھیلے گئے میچ میں مہمان ٹیم نے ٹاس جیت کر میزبان ٹیم کو پہلے بیٹنگ کرنے کی دعوت دی۔

پاکستان ٹیم نے مقررہ 20 اوورز میں 5 وکٹوں کے نقصان پر 153 رنز بنائے۔ سدرہ امین 37، منیبہ علی 33 اور کپتان فاطمہ ثناء 27 رنز بناکر نمایاں رہیں۔

جنوبی افریقہ کی جانب سے کلو ٹرائن، ٹومی سیخوخونے، نون کلولیکو ملابا اور سون لوس نے ایک ایک وکٹ حاصل کی۔

جنوبی افریقی ٹیم نے باآسانی 2 وکٹوں کے نقصان پر انیسویں اوور میں ہدف کا تعاقب کرلیا۔

انیک بوش 46 رنز بناکر ریٹائرڈ ہرٹ ہوئیں۔کپتان لورا وولوارٹ 45 اور اینیری ڈرکسن برق رفتار ناقابل شکست 44 رنز بناکر نمایاں رہیں۔

پاکستان کی جانب سے سعدیہ اقبال اور طوبیٰ حسن نے ایک ایک وکٹ حاصل کی۔