سری لنکا کی انگلینڈ کیخلاف اوول ٹیسٹ میں تاریخی فتح، نیا ریکارڈ قائم

ویب ڈیسک

10th Sep, 2024. 01:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سری لنکا کی انگلینڈ کیخلاف اوول ٹیسٹ میں تاریخی فتح، نیا ریکارڈ قائم

سری لنکا نے اوول ٹیسٹ میں انگلینڈ کے خلاف تاریخی فتح حاصل کرکے نیا ریکارڈ قائم کردیا۔

تفصیلات کے مطابق سری لنکا نے 219 رنز کا ہدف پتھم نسانکا (127) کی ناقابل شکست سنچری کی کی بدولت باآسانی 2 وکٹوں کے نقصان پر حاصل کرلیا۔

اینجلو میتھیوز 32 رنز بناکر ناٹ آؤٹ رہے جبکہ کوشال مینڈس 39 اور دیموتھ کرونا رتنے 8 رنز بناکر آؤٹ ہوئے۔

انگلینڈ کی جانب سے کرس ووکس اور گس ایٹکنسن نے ایک ایک وکٹ حاصل کی۔

یہ ٹیسٹ کرکٹ کی تاریخ میں پہلا موقع ہے جب کسی ایشین ٹیم نے انگلینڈ میں 200 سے زائد رنز کے ہدف کا کامیاب تعاقب کیا ہے۔

اس سے قبل پاکستان نے 2010 میں ہیڈنگلے لیڈز میں آسٹریلیا کے خلاف 180 رنز کے ہدف کا کامیاب تعاقب کیا تھا۔

یاد رہے کہ سری لنکا نے ٹاس جیت کر انگلینڈ کو پہلے بیٹنگ کرنے کی دعوت دی تھی۔

انگلینڈ نے اپنی پہلی اور دوسری اننگز میں بالترتیب 325 اور 156 رنز بنائے تھے جبکہ سری لنکا نے اپنی پہلی اننگز میں 263 رنز اسکور کیے تھے۔

سری لنکا کی تاریخی فتح کے باوجود سیریز 1-2 سے انگلینڈ کے نام رہی۔