دورہ جنوبی افریقہ کے لیے پاکستان  کے ٹیسٹ ، ون ڈے اور ٹی ٹوئنٹی اسکواڈز کا اعلان کردیا گیا۔

تفصیلات کے مطابق  ٹیسٹ اسکواڈ میں فاسٹ بولر محمد عباس کی واپسی ہوئی ہے جبکہ شاہین  شاہ آفریدی کو ورک لوڈ منیجمنٹ مدنظر رکھتے ہوئے صرف وائٹ بال اسکواڈ میں شامل کیا گیا ہے۔

بابر اعظم تینوں فارمیٹس کے اسکواڈز میں شامل ہیں۔سفیان مقیم  کی پہلی بار ون ڈے اسکواڈ میں شمولیت ہوئی ہے۔

انگلینڈ کے خلاف ٹیسٹ سیریز میں پلیئر آف دی سیریز کا اعزاز حاصل کرنے والے ساجد خان اور متنازعہ ٹوئیٹ کے باعث ٹیم سے باہر ہونے والے فخر زمان کو کسی بھی اسکواڈ میں شامل نہیں کیا گیا۔

عاقب جاوید کا کہنا ہے کہ  ہم چاہتے ہیں کہ شاہین آفریدی چیمپئنز ٹرافی میں جسمانی اور ذہنی طور پر تازہ دم ہوں۔اس بات کو یقینی بنایا ہے کہ تینوں اسکواڈز متوازن ہوں اور جنوبی افریقہ میں  اچھی کارکردگی دکھائیں۔

قومی ٹیم 10 دسمبر سے 7 جنوری تک  دورے میں 3 ٹی ٹوئنٹی،3 ون ڈے اور 2 ٹیسٹ  میچز کھیلے گی۔

ریڈ بال ہیڈ کوچ جیسن گلیسپی 13 دسمبر کو جوہانسبرگ پہنچ کر ٹیسٹ سیریز کے کیمپ کی نگرانی کریں گے۔

ٹیسٹ اسکواڈ:

شان مسعود (کپتان)، سعود شکیل (نائب کپتان)، عامر جمال، عبداللہ شفیق، بابر اعظم، حسیب اللہ (وکٹ کیپر) کامران غلام، خرم شہزاد، میر حمزہ، محمد عباس، محمد رضوان (وکٹ کیپر )، نسیم شاہ، نعمان علی، صائم ایوب اور سلمان علی آغا۔

ون ڈے اسکواڈ:

محمد رضوان (کپتان)،  عبداللہ شفیق، ابرار احمد، بابر اعظم، حارث رؤف، کامران غلام، محمد حسنین، محمد عرفان خان، نسیم شاہ، صائم ایوب، سلمان علی آغا، شاہین شاہ آفریدی، سفیان مقیم، طیب طاہر اور عثمان خان۔

ٹی ٹوئنٹی اسکواڈ:

محمد رضوان (کپتان)،  ابرار احمد، بابر اعظم، حارث رؤف، جہانداد خان، محمد عباس آفریدی، محمد حسنین، محمد عرفان خان، عمیر بن یوسف، صائم ایوب، سلمان علی آغا، شاہین شاہ آفریدی، سفیان مقیم طیب طاہر اور عثمان خان۔