جنوبی افریقہ نے پاکستان کے خلاف ٹی ٹوئنٹی سیریز  کے لیے اسکواڈ کا اعلان کر دیا۔

تفصیلات کے مطابق مستقل کپتان ایڈن مارکرام کی عدم دستیابی کی وجہ سے جنوبی افریقی ٹی ٹوئنٹی ٹیم کی قیادت  ہینری کلاسن کریں گے۔

کپتان مارکرام کے علاوہ جنوبی افریقی ٹیم  کے کچھ اہم آل فارمیٹ کھلاڑی بھی اسکواڈ کا حصہ نہیں ہیں جن میں   مارکو جینسن ، کیشو مہاراج، کگیسو ربادا، اور ٹرسٹان اسٹبس  شامل ہیں۔ان تمام کھلاڑیوں کو پاکستان کے خلاف ون ڈے سیریز کے لیے آرام دیا گیاہے۔

دوسری جانب  فاسٹ بولر اینرچ نورکیا اور اسپنر تبریز شمسی جون میں آئی سی سی مینز ٹی ٹوئنٹی ورلڈ کپ 2024 کے بعد پہلی بار  ٹیم میں واپسی کریں گے۔

ٹی ٹوئنٹی اسکواڈ:

ہینرچ کلاسن ، اوٹنیل بارٹمین، میتھیو بریٹزکے، ڈونوان فریرا، ریزا ہینڈرکس، پیٹرک کروگر، جارج لنڈے، کیوانہ مفاکا، ڈیوڈ ملر، اینرچ نورکیا، نقابا پیٹر، رائن ریکلٹن، تبریز شمسی، ایندائل سائملین اور ریسی وینڈر ڈسن

میتھیو بریٹزکے، کوینا مفاکا اور ریان ریکلٹن سری لنکا کے خلاف ٹیسٹ سیریز مکمل کرنے کے بعد اسکواڈ میں شامل ہوں گے جبکہ  تبریز شمسی کی پہلے ٹی ٹوئنٹی میں شمولیت گیانا میں جاری گلوبل سپر لیگ   کی وجہ سے مشکل ہوسکتی ہے۔