چھوٹا سا اک لڑکا ہوں پر کام کروں گا بڑے بڑے
ذرا نم ہو تو یہ مٹی بہت زرخیز ہے ساقی، پاکستانی نوجوان نے گھر بیٹھے ڈرون بنانے میں مہارت حاصل کرلی۔
ابراہیم راجپوت جیٹ بنانے کے ماہر ہیں اوران کے شاہکار دیکھ کر عقل دنگ رہ جاتی ہے، جیٹ ہو یا ہو ڈرون۔ دونوں میں انہیں کمال مہارت ہے۔
ابراہیم راجپوت کے متعلق کہا جاسکتا ہے کہ شوق کا کوئی مول نہیں، ابراہیم راجپوت بچپن میں کھلونے جہازوں کو اڑانے کا شوقین تھا لیکن جوں جوں بڑا ہوتا گیا، جہاز بنانے کا اور پھر اسکو رموٹ کے ذریعے اڑانے کا بھی جنون پیدا ہوتا گیا
ابراہیم کو اس شعبے میں تقریبا چھ سال ہو چکے ہیں اوروہ جہازوں کے ماڈلز تیارکرچکے ہیں۔
ان جہازوں میں مگ 27, ایف 22, سیف 37 ویژن، ایف 18, ایس آر 27 بلیک برڈ کے علاوہ 6 ڈرونز شامل ہیں۔
جہاز بنانے کا شوق ابراہیم کو اپنے والد سے ملا جو خود بھی جہازوں کے انجینیئر ہیں۔ والدہ ان کے کارناموں سے بے پناہ خوش دکھائی دیتی ہیں۔
جہازوں کے نمونے بنانے کا شوق مہنگا ضرور ہے تاہم جب عشق اور جنون سر چڑھ کر بولنے لگے تو کارنامے انجام پانے لگتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News