موبائل فون اس وقت ہر انسان کی بڑی ضرورت بن گیا ہے موبائل فونز جیسا کے چارج ایبل بیٹری پر سے چلتے ہیں تو اس لیے ان کی چارجنگ ایک بڑا مسئلہ رہتی ہے بالخصوص جب آپ گھر سے باہر ہوں۔

ہر صارف کے اس مسئلے کوپیش نظر رکھتے ہوئے موبائل ڈیولپر ایسی ٹیکنالوجی پر تحقیق کر رہے ہیں جو چارجنگ کے اس مسئلے کو حل کر سکے گی

اس وقت ایسے اسمارٹ فونز بھی مارکیٹ میں موجود ہیں جن کےبار میں یہ دعویٰ کیا جاتا ہے کہ یہ موبائل سیٹس دیگر سیٹس سے زیادہ تیزی اور کم وقت میں بیٹری کو چارج کرتے ہیں۔

اگر موبائل فون صرف ایک منٹ میں ہی 80 فیصد چارج ہوجائے تو کیسا رہے گا؟

چینی میڈیا میں ایسی خبریں گردش کر رہی ہیں جس میں کہا جارہا ہے کہ چین کی یونیورسٹی آف سائنس اینڈ ٹیکنالوجی کے ایک پروفیسر یوانگ ینہوئی ایسی ہی تحقیق پر کام کر رہے ہیں۔

اس ٹیکنالوجی کی نمائش انہوں نے پیکنگ یونیورسٹی گلوبل ایلمنائی فورم پر 1 دسمبر کو کی۔

اس کے علاو مشہور موبائل کمپنیاں ویو اور شاؤمی بھی اس ٹیکنالوجی پر پر کام کر رہی ہیں۔

ویو کی جانب سے اس بات کا دعویٰ بھی کیا جاتا ہے کہ وہ 120 واٹ چارجنگ ٹیکنالوجی (فلیش چارج) اور شاؤمی 100 واٹ فاسٹ چارجنگ ٹیکنالوجی (سپر چارج ٹربو) پر کام کر رہی ہیں۔

حال ہی میں یہ خبریں بھی زیر گردش تھیں جن میں یہ دعویٰ کیا گیا تھا کہ شاؤمی موبائل کی 4000 ایم اے ایچ بیٹری کو 17 منٹ میں مکمل چارج کیا جاسکتا ہے۔