دنیاکی سب سےچھوٹی اڑنےوالی کارتیار
جاپانی کمپنی نےدنیاکےسب سےچھوٹی اڑنے والی کاربنانےکادعویٰ کیا ہے ۔
جاپانی میڈیاکےمطابق اسکائی ڈرائیونامی جاپانی کمپنی نے دنیا کی سب سے چھوٹی اڑنے والی کاربنانےکا دعوی کیاہےثبوت کے طورپر ایک ویڈیو بھی جاری کی ہے۔
کمپنی کے مطابق اس سال موسمِ گرما میں عوام کےسامنے گاڑی پیش کی جائے گی اور پرواز کا مظاہرہ بھی کیا جائے گا۔ کمپنی کے مطابق ناگویا کے شہر کے باہر کمپنی کے تحقیقی فلائٹ کے مرکز میں دن رات اس کی آزمائش کی جارہی ہے۔
جاپان کے ذرائع ابلاغ کے مطابق اس کی فروخت کے لیے بکنگ 2023 سے شروع ہوجائے گی اور 2026 سے خریداروں تک آرڈر کی فراہمی کا سلسلہ جاری ہوگا۔ اس وقت فلائٹ ٹیسٹ میں انسانوں کو بٹھا کریا پھر ریموٹ کنٹرول سے آزمائش کی جارہی ہے۔
کمپنی کےمطابق اس کی تیاری میں کلیدی کردار ٹویوٹا کمپنی کے سابقہ انجینئرز کا ہے جس نے اسے ڈیزائن کیا ہے۔
اپنی جسامت کی بنا پراسے دنیا کی سب سے چھوٹی اڑن کارقرار دیا جاسکتا ہے۔ 2017 میں ٹویوٹا کمپنی نے تحقیق کے لیے اسکائی ڈرائیو کمپنی کو ساڑھے تین لاکھ ڈالر کی رقم بھی دی تھی۔
اسکائی ڈرائیو نے مزید حقائق بتانے سے انکار کرتے ہوئے بعض تصاویر ایک ویڈیو ہی جاری کی ہے۔ کمپنی کے مطابق تمام آزمائشی مراحل انتہائی کامیابی سے جاری ہیں۔ کار کے اولین ماڈل کی اونچائی پانچ فٹ، لمبائی اور چوڑائی دونوں ہی 12 فٹ ہے۔
اسکائی ڈرائیوکےمطابق گنجان شہروں مثلاً ٹوکیو اور نیویارک کے لیے یہ ایک بہترین سواری ہوگی اور اسے لوگوں کی مدد اور حادثات میں بھی استعمال کیا جاسکتا ہے۔ ہوا میں اس کی رفتار 62 میل فی گھنٹہ ہوگی اور زمین سے قربت پر یہ رفتار بڑھ کر 93 میل فی گھنٹہ ہوجاتی ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News