امریکی ریاست مشی گن کے شہر ڈیٹرائٹ میں ایک ایسا بورڈ لگانے کی تیاری مکمل کرلی گئی جو کہ ایک ہی وقت میں مختلف تصاویر یا پیغامات دو الگ الگ افراد کیلئے مختلف ٹیکسٹ میں دکھائی دے گا۔

یہ سائنس فکشن نہیں بلکہ حقیقت پر مبنی ایک کامیاب تجربہ ہے جو کہ بہت جلد امریکی شہر میں دکھائی دے گا، اس بورڈ کو پیرالل رئیلٹی نوٹس بورڈ کانام دیا گیا ہے۔

منفرد بورڈ میں ایک ہی وقت میں دو افراد دومختلف پیغامات دیکھ اور سمجھ سکیں گے۔ پیرالل رئیلٹی بورڈ کے دائیں جانب کھڑے افراد کو معلومات عربی یا ہسپانوی میں دکھائی دیں گی جبکہ بائیں جانب کھڑے افراد کو انگریزی یا فرنچ میں وہی پیغام پڑھنے کو ملے گا۔

پیرالل رئیلٹی نوٹس بورڈ بنانے کا مقصدائیرپورٹ پرپروازوں کی معلومات بیک ویک میں الگ الگ زبانوں کے افراد تک پہنچانا ہے۔

عام طور پرائیرپورٹس پرموجود بورڈز پر ہجوم رہتا ہےاور فلائٹ کی معلومات دھیرے دھیرے اوپر نیچے یا دائیں بائیں کھسکھتی رہتی ہے۔تاہم جدید نوٹس بورڈ کے ذریعے ایک ہی بورڈ پر دو یا اس سے زائد ڈسپلے ظاہر کئے جاسکتےہیں۔ دونوں پیغامات کو پڑھنے کے لیے لوگوں کو دیکھنے کا زاویہ تبدیل کرنا ہوگا۔

جدید بورڈ کوسافٹ ویئر کے ذریعےکنٹرول کیا جائے جس میں روشنی اور پکسل کو مختلف زاویوں سے نشر کیا جائے گا۔

ڈیلٹا ایئرلائن کے سی او او گِل ویسٹ نےپیرالل رئیلٹی نوٹس بورڈ کوانقلابی ٹیکنالوجی قرار دیا ہے ۔ ایسے بورڈ کے ذریعے مصروف ترین بورڈ پر لوگ بہت سہولت سے اپنی فلائٹ اور اگلے سفر کے بارے میں معلومات حاصل کرسکیں گے۔

توقع ہے کہ اس طرح کا ڈسپلے اس سال کے وسط تک ڈیٹرائٹ کے ائیرپورٹ پر نظر آئے گا۔