اب آپ آئی پیڈکوہاتھوں سےنہیں بلکہ آنکھوں سے بھی  مکمل کنٹرول کرسکتےہیں۔

جی ہاں ! دنیا کے پہلے’’ آئی پیڈ پرو‘‘ کے لیے اضافی کیسنگ بنائی گئ  ہے جو آنکھوں کے اشاروں سے آئی پیڈ کو مکمل کنٹرول کرتی ہے۔

اس نظام کو اسکائل کا نام دیا گیا ہے اور سب سے پہلے یہ سہولت ایپل آئی پیڈ پرومیں شامل کی گئی ہے۔

اس طرح ٹیبلٹ کو ہاتھ لگائے بغیر مکمل طور پر آنکھوں کے اشارے سے کنٹرول کیا جاسکتا ہے۔ فی الحال یہ آئی پیڈ پرو کے 12.9 انچ ورژن ٹیبلٹ کے ساتھ ہی کارآمد ہے۔

’’آئی پیڈ پرو ‘‘میں یہ خصوصیات   شامل کرنے کے لیےاسے ایک خاص طرح کی کیسنگ میں رکھا گیا ہے ۔ اس میں حساس اسکینر نصب ہے جو دونوں آنکھوں کی پتلیوں کی حرکت کو نوٹ کرتا رہتا ہے۔

اس میں دو طرح کے آپشن ہیں، ایک تو یہ دوربینی انداز میں ٹریکنگ کرتا ہے تو دوسری جانب یہ آنکھ میں سیاہ حلقے یعنی پتلی کی دائیں بائیں اور اوپر نیچے کی حرکت کو بھی نوٹ کرتا رہتا ہے۔

اس طرح کے رابطے کو آگمینٹو اینڈ آلٹرنیٹو کمیونی کیشن ( اے اے سی ) کا نام دیا گیا ہے جو کئی طرح کے سسٹم اور پروٹوکول کے ساتھ کام کرسکتا ہے۔

 اسکائل کے ذریعے معذورافرادبہت حد تک اپنے مختلف کام انجام دے سکیں گے۔

 اسکائل کے ذریعے فالج ، سیربرل پیلسی اور دیگر امراض کے شکار افراد بھی ٹیب کو چلاسکتے ہیں۔

اسکائل کیسنگ کے لیے الگ سے پاور سپلائی کی ضرورت نہیں کیونکہ یہ آئی پیڈ سے ہی بجلی لے کر کام کرتا ہے۔ اس کےساتھ پوائنٹنگ ڈیواس یعنی ماؤس اور ڈیجیٹل پین بھی لگائے جاسکتے ہیں تاہم اسکائل کسینگ کی قیمت تین ہزار ڈالر یعنی ساڑھے چار لاکھ روپے کے برابر ہے۔

ایپل کمپنی  وقت کےساتھ  ساتھ  اپنی اشیا میں جدید ٹیکنالوجی کااضافہ کررہاہے ۔ وائس کنٹرول ایک نئی خصوصیت ہے جوگزشتہ  سال   13  iOS میں  شامل  کی  گئی تھی  ۔