سونی کمپنی کی پہلی الیکٹرک گاڑی متعارف
مشہور موبائل فونزاورالیکٹرونک مصنوعات بنانےوالی کمپنی سونی نے الیکڑک گاڑی متعارف کرادی ۔
مشہور موبائل فونزاوردیگرالیکٹرونک مصنوعات کےحوالےسےسونی کمپنی نے الیکٹرک گاڑی لاس ویگاس میں سی ای ایس ٹیکنالوجی نمائش کے دوران پیش کی۔
سونی کی پہلی کانسیپٹ گاڑی کو ویژن ایس پروگرام کےتحت پیش کیا گیااورفی الحال یہ صارفین کو فروخت کے لیے پیش نہیں کی جارہی۔
سونی نے گاڑی کو کوالکوم سمیت متعدد کمپنیوں کے ساتھ مل کر تیار کیا ہے،سونی نے کانسیپٹ گاڑی کا نام نہیں بتایامگراس کاکوڈنیم سیفٹی کوکون رکھا گیا ہے ۔
اس میں 33 سنسرز موجود ہیں جن کی بدولت یہ خودکار ڈرائیونگ، 360 رئیلٹی آڈیو ٹیکنالوجی، وائیڈ اسکرین ڈسپلے اور دیگر فیچرز استعمال کرسکتی ہے۔
کمپنی کی جانب سے گاڑی کی زیادہ تفصیلات نہیں بتائی گئیں مگر اس میں سونی امیجنگ اورسنسنگ ٹیکنالوجیز کا استعمال ہوا ہے جبکہ اے آئی، ٹیلی کمیونیکشن اور کلاؤڈ ٹیکنالوجیز کو بھی اس کا حصہ بنایا گیا ہے۔
کمپنی کے مطابق گاڑی کے اندر اور باہر موجود سنسرز میں ہائی ریزولوشن، ایچ ڈی آر کموس امیج سنسرز اور راڈار وغیرہ قابل ذکر ہیں۔
اس کے علاوہ گاڑی کےاندراورباہرلوگوں اوراشیاکودیکھ کرشناخت کرنےکےلئےٹائم آف فلائٹ سنسرزبھی اس کاحصہ بنائےگئےہیں ۔
کمپنی کے مطابق اس میں خودکار ڈرائیونگ کا لیول 2 ہے، یعنی اس کا سسٹم ایکسلیٹرنگ، بریکنگ اور اسٹیئرنگ کا مکمل کنٹرول حاصل کرسکتا ہے مگر ڈرائیور کو گاڑی کے ردعمل پر نظر رکھنے کی ضرورت ہے ۔
سونی کی الیکٹر ک گاڑی میں 4 نشستیں ہیں جبکہ دو 200 کلوواٹ انجن دیئے ہیں جو اسے 4.8 سیکنڈ میں صفر سے 62 میل فی گھنٹہ کی رفتار سے دوڑنے میں مدد دیتے ہیں جبکہ زیادہ سے زیادہ 149 میل فی گھنٹہ کی رفتار سے اسے چلایا جاسکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News