ایسٹونیا میں واقع ٹیلن یونیورسٹی کے سائنسدانوں نے ایسا روبوٹ تیار کر لیا جو مچھلی فارم کی دیکھ بھال کریں گا۔
تفصیلات کے مطابق مچھلیوں کی دیکھ بھال کرنے والے روبوٹ کچھوےکا نام یو کیٹ رکھا ہے جو ماہی گیری کے بڑے فارموں کی گہرائی تک پہنچ کر صفائی، مچھلیوں کی صحت یا کسی بیماری وغیرہ کی خبر دیتا ہے۔
یاد رہے یوکیٹ سے قبل ہمیشہ یہ کام انسانی غوطہ خور انجام دیتے رہے ہیں۔
یہ روبوٹ یونیورسٹی آف ٹیلِن اور ناروے یونیورسٹی آف سائنس اینڈ ٹٰیکنالوجی نے مشترکہ طور پر بنایا ہے جسے عام طور پر روبوٹ ریموٹلی آپریٹڈ وھیکل یا آر او وے کہا جاتا ہے۔
حیرت کی بات یہ ہے کہ روبوٹ کچھوا مکمل طور پر خود مختار ہے اور اسے کسی تار سے جوڑنے کی کوئی ضرورت نہیں کیونکہ اس کے چار چپونما پر بہت خاموشی سے ہلتے ہیں جو روبوٹ کو تالاب میں تیرنے میں مدد دیتے ہیں۔
اسے ربوٹ کچھوا اسلیے کہا گیا کیونکہ یہ سست انداز میں کچھوے کی طرح تیرتا ہے اور بالکل آواز پیدا نہیں کرتا ہے۔
اس کے علاوہ اس میں کیمرہ بھی لگایا گیا ہے۔
ماہرین کے مطابق اس کچھوے پر بہت کم لاگت آئی ہے جو ایکواکلچر کا بہترین نگران بن سکتا ہے۔
واضح رہے کہ یوکیٹ کی ویڈیو میں اس کی افادیت دیکھی جاسکتی ہے جبکہ یہ تحقیقات رائل سوسائٹی کے اوپن سائنس جرنل میں شائع ہوئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News