پی ٹی اے کی جانب سے موبائل فونز اور دیگر ٹیلی کام ڈیوائسز خریدنے پر پابندی عائد کردی گئی ہے جو کہ رجسٹرڈ نہیں ہوں۔
تفصیلات کے مطابق پی ٹی اے نے ایسے تمام موبائل فون، سم باکس وغیرہ کی خرید و فروحت پر پابندی عائد کردی ہے جو کہ رجسٹرڈ نہ ہو یا جن کی سی او سی نہ ہوں۔
یہ فیصلہ پی ٹی اے کی جانب سے سیکشن 29 ٹیلی کام ری آرگنائزیشن ایکٹ 1996 کے کیا گیا ہے۔
اس حوالے سے پی ٹی اے نے موقف اختیار کیا ہے کہ غیر معیاری ڈیوائسز نہ صرف انسانی صحت و قومی سلامتی کے لیے نقصان دہ ہیں بلکہ ٹیلی کام سروس کے معیار میں خلل پیدا کرنے کا بھی سبب بن رہی ہیں۔
علاوہ ازیں ایسی تمام ویب سائٹس اور ای کامرس میڈیمز جو ایسی ڈیوائسز کی تشہیر یا فروخت کر رہے ہیں ان کو بھی ہدایت کی جاتی ہے کہ وہ ٹیلی کام ری آرگنائزیشن ایکٹ کی دفعہ 31 کے مطابق قانونی کارروائی سے بچنے کے لئے اپنی متعلقہ ویب سائٹس سے ایسا تمام مواد ہٹا دیں۔
مزید برآں پی ٹی اے نے لائسنس کی تجدید کے ذریعہ آپریٹرز کے لئے کوریج کی ذمہ داریوں اور کوالٹی آف سروس کے معیارات میں بھی ترمیم کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News