گزشتہ 2 سال کے عرصے سے پوری دنیا کورونا وائرس کے خاتمے کے لئے پرعزم ہے اور اب اسکے علاج کے لئے نئے طریقوں پر ریسرچ کی جارہی ہے۔
ایسے نئے اور جدید ٹیکنالوجی سے آراستہ آلے بنائے جارہے ہیں جن کی مدد سے کسی بھی شخص میں موجود کورونا کی فوری طور پر تشخیص کی جاسکتی ہے۔
اب تک ایسے اسکینرز اور ایسی چپس کا استعمال کیا جاچکا ہے لیکن اب ماہرین کی مدد سے اسمارٹ فون سے بھی اس سہولت سے فائدہ اٹھایا جاسکتا ہے۔
جنوبی کوریا سے تعلق رکھنے والے ماہر نے اسمارٹ فون کو تھرمامیٹر میں تبدیل کرنے کا کامیاب تجربہ کیا ہے۔
اس تجربے کے مطابق ایک مؤثر اور کم خرچ تھرمل امیجنگ سینسر(ڈیوائس) ہے جو موبائل میں نصب ہوجاتی ہے۔
اس ڈیوائس کوریا انسٹی ٹیوٹ آف سائنس اینڈ ٹیکنالوجی نے حکومتی فنڈنگ کی مدد سے تیار کیا ہے اور یہ 100 درجے سینٹی گریڈ تک بالکل درست کام کرے گی۔
ماہرین کا کہنا ہے کہ وینیڈیم ڈائی آکسائیڈ سے بنا یہ سینسر زیریں سرخ (انفراریڈ) روشنی کو جذب کرکے برقی سگنل میں بدلتا ہے اور پھر موبائل پر نمبروں کی صورت درجہ حرارت کی جانچ سامنے آتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News