رواں سال کی دوسری سہ ماہی میں اسمارٹ فونز کی فروحت میں 13 فیصد اضافہ

عروبہ خانویب ایڈیٹر

02nd Aug, 2021. 02:27 pm

دنیا بھر میں رواں سال کی دوسری سہ ماہی میں اسمارٹ فونز کی فروحت میں 13 فیصد اضافہ ریکارڈ کیا گیا ہے۔

آئی ڈی سی کی جانب سے جاری کردہ رپورٹ میں بتایا گیاہے کہ جون 2020کی نسبت ، جون 2021 میں  13.2 فیصد اضافہ دیکھنے میں آیا ہے۔

رپورٹ میں بتایا گیا ہے کہ جن کمپنیوں نے اس دوران سب سے زیادہ اسمارٹ فونز فروحت کیے ہیں اس میں سرفہرست سام سنگ کا نام ہے جبکہ شیاؤمی دوسرے نمبر پر ہے اور ایپل  تیسرے نمبر پر ہے۔

رپورٹ کے مطابق سام سنگ نے اس عرسے میں  5 کروڑ 90 لاکھ فونز فروخت کیے ہیں جبکہ شیاؤمی نے 5 کروڑ 31 لاکھ سے زیادہ فونز فروخت  کئے اور ایپل نے  4 کروڑ 42 کروڑ آئی فونز فروخت کئے ہیں۔

رپورٹ میں مزید بتایا گیا ہے کہ دنیا بھر میں چین واحد خطہ تھا جہاں اپریل سے جون 2021 کے دوران اسمارٹ فونز کی فروخت کی شرح منفی رہی ہے۔

خیال رہے کہ رپورٹ میں عندیہ دیا گیا کہ چینی کمپنیوں کے فونز کی فروخت میں اضافہ جاری رہے گا اور وہ بتدریج سام سنگ اور ایپل کی بالادستی ختم کردیں گی۔

Adsence 300X250

مزید پڑھیں