واٹس ایپ اپنے صارفین کے لئے نت نئے فیچرز متعارف کراتا رہتا ہے جو صارفین کو سہولیات مہیا کرتے ہیں۔

کمپنی کی جانب سے ان نئے فیچرز پر کام اس وقت کیا جاتا ہے جب صارفین کا رجحان اس طرف دیکھتا ہے ۔

اسی ضرورت کو مد نظر رکھتے ہوئے واٹس ایپ کی جانب سے صارفین کے لئے ایک نئے فیچر کا اضافہ کیا گیا ہے۔

صارفین کے رجحان کے مطابق بعض میسجز بہت ضروری ہوتے ہیں لیکن وہ لمبی چیٹ کی وجہ نظروں سے اوجھل ہوجاتے ہیں اور انہیں ڈھونڈنا بہت مشکل ہوجاتا ہے۔

اسی لئے واٹس ایپ نے ’اسٹار میسجز‘ کا نیا فیچر متعارف کرایا ہے جو کہ ضروری اور اہم میسجز کو محفوظ کرنے میں مدد کریگا اور آسانی سے مل بھی جائیگا۔

طریقہ کار:

واٹس ایپ کھولنے کے بعد سیدھے ہاتھ پر اوپر کی جانب تین نقطے نظر آئیں گے، جن پر آپ کلک کریں گے تو چوتھے نمبر پر سیٹنگز سے پہلے اسٹارڈ میسجز کا آپشن نظر آئے گا، اس پر کلک کرنے کے بعد آپ اپنے بک مارک کیے گئے پیغامات تک پہنچ جائیں گے۔

دلچسپ بات یہ ہے کہ آپ ایسے پیغامات کو اگر کلک کر کے رکھیں گے تو یہ ان اسٹارڈ ہوکر عام پیغامات میں شامل ہوجائیں گے۔