کیا فیس بک کی جانب سے آپ کو بھی اکاؤنٹ لاک کرنے کی وارننگ موصول ہوئی ہے؟ تو عمل کرنے کا طریقہ کار جان لیں

عروبہ خانویب ایڈیٹر

14th Oct, 2021. 01:15 pm

فیس بک  پر ہراسگی اور دھمکیوں کے متعدد کیس ردج ہونے کے بعد فیس بک کی جانب سے سیکورٹی پالیسی کافی سخت ہوگئی ہیں لیکن شکایات کا سلسلہ اب بھی جاری ہے۔

اس حوالے سے فیس کی جانب سے پالیسیاں تبدیل ہوتی رہتی ہیں جبکہ صارفین کو وقتاً فوقتاً فیس بک پالیسیوں کے حوالے سے آگاہ بھی کیا جاتا رہتا ہے۔

حال ہی میں فیس بک کی جانب سے ایک اور سیکورٹی فیچر کو ایل کیا گیا ہے جو کہ ان لوگوں کے لئے ہے جن کے فیس بک پر فرینڈز اینڈ فالوورز بہت زیادہ ہیں۔

اس حوالے سے کمپنی کی جانب سے ایک نوٹیفکیشن بھی جاری کیا گیا ہے جس میں بتایا گیا ہے کہ  فیس بک پروٹیکٹ کو 15 اکتوبر 2021 تک ٹرن آن کرلیں، اگر ایسا نہیں کرتے تو اکاؤنٹ کو اس وقت تک کے لیے لاک کردیا جائے گا جب تک سیٹنگ ان ایبل نہیں کرتے۔

کمپنی کے مطابق اکاؤنٹ کے لیے فیس بک پروٹیکٹ کو ان ایبل کرنے کی وجہ یہ ہے کہ آپ کے اکاؤنٹ تک فیس بک کے اوسط صارف کے مقابلے میں زیادہ لوگوں کی رسائی کا امکان ہے۔

کمپنی کا کہنا تھا کہ ان اکاؤنٹس کے دفاع کے لیے ہی ایڈوانسڈ سیکیورٹ پروگرام کو ان ایبل کرنے کی ضرورت ہے۔

اس کو ان ایبل کرنے کے لیے فیس بک اوپن کرکے سیٹنگز میں جائیں اور وہاں سیکیورٹی اینڈ پرائیویسی پر کلک کریں۔

وہاں سب سے اوپر ہی فیس بک پروٹیکٹ کا آپشن نظر آجائے گا جس پر گیٹ اسٹارٹڈ کے بٹن پر کلک کریں۔

اگر آپ نے 2 ایف اے کو پہلے ہی اپنایا ہوا ہے تو وہاں ایڈوانسڈ سیکیورٹی پروٹیکشن کے آپشن پر چیک مارک ہوگا اور دوسرے آپشن سے فیس بک پروٹیکٹ کو مکمل ان ایبل کرنا ہوگا۔

اگر کمپنی کے لگا کہ کوئی مسئلہ نہیں تو پھر دونوں آپشنز پر گرین چیک ہوگا اور بس فنش پر کلک کرکے فیس بک پروٹیکٹ کو ان ایبل کردیا جائے گا۔

Square Adsence 300X250