ماہرین کے مطابق مریضوں میں ایسے جراثیم اور بیکٹیریا پائے گئے ہیں جو ادویات اور دیگر ویکسینز کے استعمال کے باوجود بھی ختم نہیں ہوتے ہیں۔

ان ناقابل تلف جراثیم اور بیکٹیریا کو ختم کرنے کے لئے ٹیکنالوجی کی مدد سے ’شارٹ ٹرم پلس لیزر‘ تیار کی گئی ہیں۔

اس حوالے سے ماہرین کا کہنا ہے کہ ان لیزر لائٹ کی مدد سے وہ تمام جراثیم اور بیکٹیریا کا خاتمہ کرسکیں گے جن پر ادویات کا کوئی اثر نہیں ہوتا ہے۔

ماہرین کا کہنا ہے کہ اس لیزر لائٹ کا استعمال کرتے ہوئے زخموں کو پاک اور خون کے لئے جانے والے نمونوں کو بھی بیکٹیریا فری کیا جاسکتا ہے ۔

ماہرین نے بتایا ہے کہ ان لیزر شعاعوں کا کوئی اثر انسانی کی صحت پر نہیں پڑتا ہے اور اس عمل میں بہت ہی کم وقت درکار ہوتا ہے۔

اس لیزر شعاعوں کو دنیا کے مشہور بیکٹیریا پر آزماتے ہوئے ٹیسٹ کیا گیا جو کہ جلد اور پھپڑوں کے انفیکشن کا باعث بنتا ہے اور اس ٹیسٹ سے ملنے والے نتائج 99.9 فیصد تھے ۔

ماہرین کے مطابق عطیہ کئے جانے والے خون میں موجود بیکٹیریا اور دیگر جراثیم کو اب ان شعاعوں کی مدد سے ایک بار میں ہی پاک کر کے دوسرے مریضوں کے لئے قابل استعمال بنایا جاسکتا ہے۔