ناسا نے خلاء بازوں کی اسپیس واک شروع ہونے سے چند گھنٹے قبل ملتوی کردی

مہدی قاضی

30th Nov, 2021. 05:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ناسا نے خلاء بازوں کی اسپیس واک شروع ہونے سے چند گھنٹے قبل ملتوی کردی

ناسا نے انٹرنیشنل اسپیس اسٹیشن کے باہر دو خلاء بازوں کی اسپیس واک شروع ہونے سے چند گھنٹوں قبل ملتوی کردی۔ التواء کی وجہ اسپیس اسٹیشن کو ملنے والی وارننگ قرار دیا جارہا ہے جس میں خبردار کیا گیا ہے کہ خلاء میں موجود ملبا اسٹیشن کے پاس سے گزرے گا۔

ناسا کی جانب سے جاری ایک بیان میں کہا گیا کہ 29 نومبر کو ملنے والے ’ڈیبری نوٹیفیکیشن‘ کے تحت ادارے نے خلاء باز ٹام مارشبرن اور کائلا بیرون کی اسپیس واک کو ملتوی کیا۔ دونوں خلاء بازوں کو اسٹیشن کا ایس-بینڈ اینٹینا بدلنا تھاجس نے حال ہی میں کام کرنا چھوڑ دیا تھا اور ڈیٹا نہیں بھیج پارہا تھا۔

ناسا کے بیان کے مطابق چونکہ خلاء بازوں کو لاحق خطرے کا باقاعدہ اندازہ نہیں لگایا جاسکتا اس لیے ٹیم نے مزید معلومات آنے تک اسپیس واک کو ملتوی کردیا۔

التواء کا اعلان ناسا اسٹیشن منیجروں کے اسپیس واک سے متعلق میڈیا بریفنگ کے کئی گھنٹوں بعد ہوا جس میں انہوں نے روسی اینٹی سیٹلائٹ ہتھیار کے تجربے کے نتیجے میں خلاء میں بکھرنے والے ملبے سے پیدا ہونے والے خطرے کو کم قرار دیا تھا۔