ہماری زمین خلاء میں انتہائی خطرناک ماحول میں وجود رکھتی ہے۔ خلائی اجسام جیسے کہ سیارچے اور دم دار ستارے، مستقل زمین کے قریب سے نکلتے ہیں اور اکثر ٹکرا بھی جاتے ہیں۔ ان میں سے اکثر اتنے چھوٹے ہوتے ہیں جن سے خطرہ نہیں ہوتا لیکن کچھ فکر کا باعث بن سکتے ہیں۔

اب تک ناسا نے تقریباً 40 فی صد بڑے سیارچوں کا پتہ لگایا ہے۔ ماضی میں سیارچے اچانک زمین پر گِر چکے ہیں اور اس میں کوئی شبہ نہیں کہ مستقبل میں بھی ایسا ہو سکتا ہے۔

مختلف سائز کی لاکھوں اشیاء سورج کے گرد گھومتی ہیں۔ زمین کے قریب اشیاء میں وہ سیارچے اور دم دار ستارے شمار ہوتے ہیں جن کے مدار انہیں 19.3 کروڑ کلومیٹر کے فاصلے تک لے آتے ہیں۔

ماہرینِ فلکیات زمین کے قریب شے کو اس وقت خظرہ تصور کر تے ہیں جب وہ زمین سے 74 کروڑ کلومیٹر کے فاصلے تک آجاتی ہے اور شے کا قطر کم از کم 140 میٹر ہوتا ہے۔

اگر کوئی خلائی شے زمین سے آکر ٹکرائے تو وہ پورے شہر تک کو تباہ کر سکتا ہے اور خطے میں شدید تباہی کا سبب بن سکتا ہے۔

بڑی اشیاء -1 کلو میٹر یا اس سے زیادہ سائز کی- کے عالمی اثرات ہو سکتے ہیں اور یہاں تک کہ یہ بڑے پیمانے پر زندگی کے ناپید ہونے کا سبب بھی ہو سکتا ہے۔

سب سے تباہ کن ٹکر 6.5 کروڑ سال قبل ہوئی تھی جب 10 کلومیٹر قطر کا سیارچہ آج کے جزیرہ نما یاکوٹان، جو میکسیکو  کی ریاست ہے، سے ٹکرایا تھا۔

اس کی وجہ سے زیادہ تر پودے اور جانوروں کی اقسام زمین پر ناپید ہوگئیں، جن میں ڈائنو سار بھی شامل ہیں۔