آج کے اس جدید دور میں موبائل کے بغیر کسی کا بھی گزارا ممکن نہیں ہے خواہ وہ بچہ ہو یا بڑا۔

لیکن ہم میں سے اکثر لوگ اس بات سے ناواقف ہیں کہ کس ملک میں سب سے زیادہ موبائل کا استعمال کیا جاتا ہے۔

اب یقیناً آپ کو یہ جاننے کی خواہش ہو گی کہ پاکستان کا شمار ان ممالک میں ہوتا ہے یا نہیں اور اگر ہوتا ہے تو ہمارا ملک کس نمبر پر ہے۔

آج ہم آپ کو ان 15 ممالک کے نام بتائیں گے جن کا شمار سب سے زیادہ موبائل استعمال کرنے والے ممالک میں ہوتا ہے۔

ڈیٹا ویب سائٹ اسٹاٹسٹا کی جانب سے 2021 کے جاری کردہ اعدادوشمار کے مطابق دنیا میں سے زیادہ موبائل فونز کا استعمال چین میں ہوتا ہے۔

چین میں 95 کروڑ سے بھی زیادہ لوگ موبائل فونز کا استعمال کرتے ہیں۔

اعدادوشمار کے مطابق بھارت دوسرے نمبر پر ہے جہاں موبائل فونز استعمال کرنے والوں کی تعداد 49 کروڑ سے زائد ہے۔

دنیا کا طاقتور ملک امریکہ اس دوڑ میں تیسرے نمبر پر ہے جہاں موبائل فونز استعمال کرنے والوں کی تعداد 27 کروڑ 40 لاکھ ہے۔

انڈونیشیا میں 17 کروڑ 40 لاکھ اور برازیل میں 10 کروڑ 18 لاکھ 53 لوگ موبائل فونز استعمال کرتے ہیں۔

فہرست میں روس چھٹے، جاپان ساتویں، میکسیکو آٹھویں، ویتنام نویں اور جرمنی دسویں نمبر پر ہے۔

بنگلہ دیش گیارویں، ایران بارہویں ترکی تیرویں، برطانیہ چودہویں اور فرانس پندرویں نمبر پر ہے۔

 ڈیٹا ویب سائٹ اسٹاٹسٹا کی جانب سے جاری کردہ اعدادوشمار کے مطابق پاکستان 16 ویں نمبر پر ہے۔