مختصر دورانیے کی ویڈیوز ایپ ٹک ٹاک نے صارفین کے لئے خاموشی سے زبردست فیچر متعارف کرا دیا ہے۔

ٹک ٹاک اپنے صارفین کو بہتر سہولیات فراہم کرنے کے لیے آئے دن نئے فیچر متعارف کرواتا رہتا ہے، اس بار ٹک ٹاک نے ایسا دلچسپ فیچر متعارف کروایا ہے جس کے تحت صارفین کو غیر ضروری پیغامات سے بچنے میں مدد مل سکے گی۔

ٹک ٹاک کی جانب سے ایپ کے ڈائریکٹ میسجنگ کی سیٹنگز کے حوالے سے نیا فیچر متعارف کرایا گیا ہے جس سے صارفین ان افراد کا انتخاب کرسکیں گے جن کے میسجز وہ دیکھنا چاہتے ہیں۔

یہ بھی پڑھیں: معروف ٹک ٹاکر نے اسلام کی خاطر ٹک ٹاک اکاؤنٹ ڈیلیٹ کردیا

اب ٹک ٹاک کے ڈائریکٹ میسجز میں ایوری ون (everyone)، سجیسٹڈ فرینڈز، mutual فرینڈز اور نو ون (no one) جیسے آپشنز دیے گئے ہیں۔

اس فیچر کو استعمال کرنے کے لیے ٹک ٹاک اوپن کر کے ہوم اسکرین پر نیچے پروفائل آئیکون پر کلک کریں۔

اس کے بعد اوپر مینیو بٹن پر کلک کر کے سیٹنگز اینڈ پرائیویسی میں جائیں اور پھر پرائیویسی کے آپشن کا انتخاب کریں۔

یہ بھی پڑھیں: ٹک ٹاک پر ویڈیو وائرل ہونے کی کیا وجہ ہے؟ جانیے

وہاں آپ نیچے ڈائریکٹ میسجز کے آپشن پر کلک کرکے اس نئے فیچر کو استعمال کرسکتے ہیں۔