ایلون مسک ایکس (ٹوئٹر) میں ایک اور تبدیلی کرنے کو تیار

ویب ڈیسک

23rd May, 2024. 07:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایلون مسک ایکس (ٹوئٹر) میں ایک اور تبدیلی کرنے کو تیار

ایکس (ٹوئٹر) کے مالک ایلون مسک پلیٹ فارم میں ایک اور تبدیلی کرنے جارہے ہیں۔

رپورٹ کے مطابق ایکس میں پبلک لائیکس کے آپشن کو ختم کیا جا رہا ہے، پبلک لائیکس صارف کے پروفائل پیج میں موجود وہ سیکشن ہے جس میں ان تمام پوسٹس کا ریکارڈ ہوتا ہے جو آپ نے لائیک کی ہوتی ہیں۔

اس حوالے سے ایکس کے ڈائریکٹر آف انجینئرنگ نے بتایا کہ سوشل میڈیا پلیٹ فارم میں صارفین کے پروفائل پیج سے پبلک لائیکس کو ہٹایا جا رہا ہے۔

انہوں نے کہا کہ ہم لائیکس کو پرائیویٹ کر رہے ہیں، کیونکہ پبلک لائیکس کے باعث بیشتر افراد کسی پوسٹ کو لائیک کرنے سے گھبراتے ہیں۔

ان کا کہنا تھا کہ بہت جلد صارفین کسی پریشانی کے بغیر اپنے پسندیدہ مواد کو لائیک کر سکیں گے۔

واضح رہے کہ ایکس کی جانب سے پہلے ہی پریمیئم صارفین کو پبلک لائیکس چھپانے کا آپشن فراہم کیا جاچکا ہے مگر اب یہ فیچر تمام صارفین کے لیے متعارف کرایا جارہا ہے۔