ایپل نے معذور افراد کے لیے اہم فیچر کا اعلان کردیا

ویب ڈیسک

18th May, 2024. 05:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایپل نے معذور افراد کے لیے اہم فیچر کا اعلان کردیا

معروف ٹیکنالوجی کمپنی ایپل نے معذور افراد کے لیے اہم فیچر کا اعلان کردیا ہے۔

رپورٹ کے مطابق ایپل کی جانب سے رواں برس کے آخر میں متعارف کرائے جانے والے متعدد فیچرز کی فہرست جاری کی گئی تھی، فہرست میں آئی ٹریکنگ، میوزک ہیپٹکس، ووکل شارٹ کٹس اینڈ وہیکل موشن کیوز شامل ہیں۔

ان تمام فیچرز میں آئی ٹریکنگ فیچر کمپنی کی جانب سے پیش کی جانے والی ایک نئی اختراع ہوگی۔

مصنوعی ذہانت سے چلنے والا یہ فیچر آئی فون اور آئی پیڈ صارفین کو اپنی ڈیوائسز آنکھوں سے کنٹرول کرنے میں مدد دے گا۔

یہ فیچر بالخصوص جسمانی طور پر معذور صارفین کے لیے بنایا گیا ہے جو اس کے ذریعے اپنی ڈیوائسز کو باآسانی کے استعمال کر سکیں گے۔

اس فیچر کے لیے ڈیوائس میں نصب فرنٹ کیمرا چند سیکنڈوں میں آئی ٹریکنگ کی پیمائش کرے گا۔

فیچر کے لیے پرائیویسی کا خاص خیال رکھا گیا ہے اس لیے آئی ٹریکنگ کے حوالے سے جو بھی ڈیٹا استعمال کیا جائے گا وہ ڈیوائس تک ہی محدود رہے گا، یہاں تک کہ وہ ایپل کے ساتھ بھی شیئر نہیں کیا جائے گا۔

یہ فیچر آئی پیڈ او ایس اور آئی او ایس پر تمام ایپس کے لیے استعمال کیا جاسکے گا لہٰذا اس کے لیے کسی اضافی ہارڈ ویئر کی ضرورت نہیں ہوگی۔