موبائل فون کی قیمتیں بھی گرگئیں؛ اچانک بڑی کمی

ویب ڈیسک

10th May, 2024. 05:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موبائل فون کی قیمتیں بھی گرگئیں؛ اچانک بڑی کمی

موبائل فون کی قیمتوں میں بڑی کمی ہو گئی ہے۔

موبائل مارکیٹس میں موبائل فون کی قیمتوں میں 20 سے 30 فیصد تک کمی ہوگئی ہے، ایک لاکھ روپے والا سمارٹ فون 70 ہزار روپے کا ہوگیا ہے۔

64 ہزار روپے مالیت والا موبائل فون اب 50 ہزار میں فروخت ہورہا ہے۔ 50 ہزار روپے والے موبائل کی قیمت 38 سے 40 ہزار روپے تک ہو گئی ہے۔ مارکیٹ میں اب 20 ہزار روپے میں بھی اسمارٹ فونز دستیاب ہیں۔

اس کے علاوہ کی پیڈ والے موبائل فون کی قیمتیں بھی گر گئی ہیں، کی پیڈ والے موبائل کی قیمت 1800 روپے تک آگئی ہے۔

موبائل فون کی قیمتوں میں کمی کے حوالے سے صارفین کا کہنا ہے موبائل کی قیمتیں اب بھی مہنگی ہیں، مہنگے کرتے وقت موبائل فونز کی قیمتوں میں 40 سے 50 فیصد اضافہ کیا گیا، لیکن جب قیمتیں کم کرنے کی باری آئی تو صرف 20 سے 30 فیصد کمی کی گئی۔

دوسری جانب ملک میں موبائل فونز کی درآمدات میں جاری مالی سال کے پہلے نو ماہ میں سالانہ بنیادوں پر 121 فیصد کا نمایاں اضافہ ریکارڈ کیا گیا ہے۔