خلا باز نورد بچ ولمور اور سنی ولیمز نو ماہ تک خلا میں پھنسے رہنے کے بعد بالاآخر زمین پر پہنچ گئے ہیں۔

غیر ملکی خبر رساں ادارے کے مطابق جون 2024 کو آٹھ روز کے لئے جانے والے دونوں خلا باز اسپیس شپ میں فنی خرابی کے باعث خلا میں پھنس گئے تھے۔

رپورٹ میں بتایا گیا ہے کہ خلا میں نو ماہ تک پھنسے رہنے کے بعد خلا نورد بچ ولمور اور سنی ولیمز بالاآخر امریکی ریاست فلوریڈا میں موجود اسپیس اسٹیشن میں خیریت سے واپس پہنچ گئے۔

ناسا کی  کمرشل کریو پروگرام کے مینجر اسٹیو اسٹج نے اس موقع پر پریس کانفرنس کرتے ہوئے بتایا کہ مشن کے ممبران ایک ایسے پروگرام پر نو ماہ کا عرصہ گزار کر آئے ہیں جس کو مکمل کرنے کے لئے آٹھ دن مقرر کئے گئے تھے تاہم مشن کے ممبران خیرت سے ہیں۔

ناسا اسپیس آپریشن مشن پروگرام کے ڈپی ایسوسی ایٹس اڈمنسٹریٹرجول میٹل بانو نے بتایا کہ انٹرنیشنل اسپیش اسٹیشن کا یہ ایک  آٹھ روز پر مشتمل مختصر دورانئے کا سفر تھا جس میں ڈرامائی انداز میں نو ماہ تک رکے رہنا پڑا۔

انہوں نے یہ بتایا کہ اسپیس کیپسول میں فنی خرابی ہوئی جس کے بعد اسپیس شپ کو واپسی کے سفر کے لئے محفوظ تصور نہیں کیا جارہا تھا اور یوں جون 2024 کو شروع ہونے والے یہ آٹھ روز کا سفر نو ماہ تک طویل ہوگیا تاہم ہم خوش ہیں کہ خلا باز خیریت سے واپس آگئے۔

انہوں نے اسپیس ایکس کی جانب سے خلا بازوں کو محفوظ انداز میں واپس لانے پر اظہار تشکر کیا جب کہ خلا بازو کو ثابت قدمی اور لچک دکھانے پر سراہا گیا جب کہ واپسی کے اس سفر میں خلا بازوں کو زمین پر محفوظ انداز میں پہنچنے میں سترہ گھنٹوں کا صبر آزمہ وقت گزارنا پڑا۔

اس موقع پر برطانیہ کہ پہلی خلا باز ہیلن شیر مین کا کہنا ہے کہ خوش آئند بات یہ ہے کہ زمین پر پہنچنے والے خلا بازوں کی فیملی اور ان کے دوست جو ان کے ساتھ کرسمس منانے کی امید کررہے تھے اب خوشیا ساتھ منا سکیں گے۔

انہوں نے کہا کہ سنیتا اور ولمور خلا سے اپنی خیریت کے بارے میں سب کو آگاہ رکھنے کے لیے ویڈیو کالز کا سہارا تو لے رہے تھے مگر ان دونوں کی صحت کے بارے میں سب کو تشویش لاحق رہی۔ دونوں خلا باز طبی معائنے کے بعد ہی اپنے گھر والوں سے ملاقات کر سکیں گے۔