بیجنگ: چین نے 10 جی براڈ بینڈ نیٹ ورک متعارف کرواکر جدید انٹرنیٹ ٹیکنالوجی میں اہم کامیابی حاصل کرلی۔دنیا کا پہلا کمرشل 10 گیگا بٹ چین کی سرکاری کمپنی یونی کوم اور ٹیکنالوجی جائنٹ ہو اوے نے مشترکہ طور پر لانچ کی۔

مشترکہ نیٹ ورک کو ابتدائی طور پر چینی صوبے ہیبائی کی سونن کاؤنٹی میں لانچ کیا گیا ہے جس نے انٹرنیٹ کی دنیا میں تہلکہ مچا دیا ہے۔

50 جی پیسیو آپٹیکل نیٹور پی او این ٹیکنالوجی استعمال کرنے والا یہ نیا سسٹم فائیبر آپٹک پر ڈیٹا منتقلی، رفتار اور کارکردگی کو اس قدر بہتر بناتا ہے جس کی مثال ماضی میں نہیں ملتی ، اسے تاریخی اقدام قرار دیا جارہا ہے۔

آزمائشی نتائج کے مطابق یہ سسٹم کی ڈاؤن لوڈ رفتار 9834 میگا بٹس فی سیکنڈ، اپ لوڈ اسپیڈ 1008 میگا بٹ فی سیکنڈ اور تاخیر صرف 3 ملی سیکنڈ کی ہے جو روایتی براڈ بینڈ سے 10 گناہ بہتر ہے۔

ٹیکنالوجی کی دنیا میں چین کی اس کامیابی کو اہم سنگ میل کہا جارہا ہے جو اس بات کی واضح دلیل ہے کہ چین انٹرنیٹ کی دنیا میں دیگر ممالک پر سبقت لے جاچکا ہے، 10 جی سروس کی چینی عوام کے لئے دستیابی پوری دنیا مین اپنی نوعیت کی پہلی سروس ہے۔

10 جی یہ براڈ بینڈ سروس الٹرا-ایچ ڈی 8 کے ویڈیو اسٹریمنگ، ورچوئل اور آگمینٹڈ ریئلٹی تجربات اور اسمارٹ گھروں کے ہموار آپریشن جیسی ہائی بینڈ وتھ سرگرمیوں کی راہ ہموار کردے گی۔