پاکستانیوں کے لیے خوشخبری؛ پی ٹی اے کا مفت انٹرنیٹ اور منٹس کا اعلان

ویب ڈیسک

19th Jun, 2025. 03:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانیوں کے لیے خوشخبری؛ پی ٹی اے کا مفت انٹرنیٹ اور منٹس کا اعلان

اسلام آباد: پاکستان میں موبائل فون صارفین کی تعداد 20 کروڑ کا سنگِ میل عبور کرچکی ہے جس کی خوشی میں پاکستان ٹیلی کمیونیکیشن اتھارٹی (پی ٹی اے) نے تمام صارفین کے لیے خصوصی ایک روزہ پیکج کا اعلان کیا ہے۔

20 جون 2025 کو ملک بھر کے تمام ٹیلی کام صارفین کو 2 جی بی مفت انٹرنیٹ ڈیٹا اور 200 آن نیٹ مفت منٹس دیے جائیں گے جن کی معیاد 24 گھنٹے ہوگی۔

یہ آفر حاصل کرنے کے لیے صارفین اپنے کسی بھی نیٹ ورک سے *#2200# ڈائل کریں۔

خیال رہے کہ پاکستان نے ڈیجیٹل ترقی میں ایک اہم سنگِ میل عبور کیا ہے۔ تازہ ترین اعداد و شمار کے مطابق پاکستان میں موبائل صارفین کی تعداد 197.7 ملین سے تجاوز کرگئی ہے۔

یہ بھی پڑھیں: سوشل میڈیا صارفین کی تعداد کے حوالے سے پی ٹی اے کے اعداد و شمار جاری

ملک کی 80.30 فیصد آبادی اب موبائل سروسز تک رسائی رکھتی ہے جب کہ براڈ بینڈ صارفین کی تعداد 150 ملین تک پہنچ چکی ہے۔ فکسڈ لائن صارفین کی تعداد 3.75 ملین ہے۔

اس کامیابی کی یاد میں پی ٹی اے ہیڈکوارٹرز، اسلام آباد میں ایک خصوصی تقریب کا انعقاد کیا جائے گا جس میں ٹیلی کام انڈسٹری کے اہم شراکت دار جیسے کہ موبائل نیٹ ورک آپریٹرز، موبائل ڈیوائس مینوفیکچررز اور اعلیٰ حکام شریک ہوں گے۔

تقریب میں پاکستان میں کنیکٹیویٹی میں ہونے والی پیشرفت اور مستقبل کی ڈیجیٹل حکمتِ عملی پر بات چیت کی جائے گی۔